15 اقپاندا وزبەك-قازاق شەكاراسىنداعى "سىرداريا" جانە "س.ناجيموۆ" كەدەن بەكەتتەرى ارقىلى ازاماتتاردى، كولىكتەردى جانە جولاۋشىلار كولىگىن وتكىزۋ ۋاقىتشا توقتاتىلدى.
وزبەكستان كەدەن كوميتەتىنىڭ مالىمەتىنشە، قازاقستان "اتامەكەن" ("سىرداريا") جانە "قازىعۇرت" ("س.ناجيموۆ") وتكىزۋ بەكەتتەرىندە قايتا جوندەۋ جۇمىسىن جۇرگىزبەك، دەپ حابارلايدى Almaty-akshamy.kz.
جوندەۋ جۇمىستارى اياقتالعانعا دەيىن اتالعان بەكەتتەر ارقىلى 3،5 توننادان اسپايتىن جۇك كولىكتەرى عانا وتە الادى.
ازاماتتارعا بالاما رەتىندە تاۋلىك بويى جۇمىس ىستەپ تۇرعان "گيشتكۋپريك" جانە "ياللاما"، سونىمەن بىرگە كۇندىز ىستەيتىن "ماليك" جانە "وك ولتين" وتكىزۋ بەكەتتەرى ارقىلى ءوتۋ ۇسىنىلعان.
قازاقستاننىڭ رەسمي ورىندارى اقپاراتقا قاتىستى تۇسىنىكتەمە بەرمەدى. بىلتىر قازاندا قازاق-وزبەك شەكاراسىنداعى "قاپلانبەك" ("ناۋاي") بەكەتتەرى 19 ايعا جابىلاتىنى حابارلانعان. ول كەزدە بۇعان بەكەتتەردى جاڭارتۋ جانە جابدىقتاۋ جۇمىستارى سەبەپ بولعانى ايتىلعان.