12 قىركۇيەك – بۇل كۇندى قازاق كينوسىنىڭ عانا ەمەس، جاڭا مەديا مەن ءتۇپنۇسقا كونتەنت ءداۋىرىنىڭ بەتبۇرىس ءساتى رەتىندە قابىلدايتىندار كوبەيىپ كەلەدى. سەبەبى ءدال وسى كۇنى ەكرانعا ەمەس، ساناعا باعىتتالعان جاڭا ءبىر باستاما جولعا شىعادى. ول باستاما – ءوزىمىزدى تانۋعا، ءوز تىلىمىزدە سويلەۋگە جانە ءوز ءۇندى ەستۋگە مۇمكىندىك بەرەتىن الاڭ.
كەيىنگى جىلدارى قازاق تىلىندەگى ساپالى كونتەنت كوبەيە باستادى. بۇعان قوعامدا قالىپتاسقان سۇرانىس قانا ەمەس، جاڭا بۋىن پروديۋسەرلەر مەن شىعارماشىلىق جەتەكشىلەردىڭ دە ىقپالى زور. سولاردىڭ ءبىرى – انار ءجۇنۇسوۆا. ول جەتەكشىلىك ەتىپ وتىرعان مەديا جوبالار شىن مانىندە ۇلتتىق كينو مەن زاماناۋي ستريمينگ اراسىنداعى كوپىرگە اينالىپ كەلەدى.
قىركۇيەكتەن باستاپ كورەرمەنگە ۇسىنىلاتىن جوبالاردىڭ اراسىندا ءتۇپنۇسقا سەريالدار، الەمدىك كينويندۋستريانىڭ دۋبلياجدالعان ۇزدىك ۇلگىلەرى، سپورت ترانسلياسيالارى، بالالارعا ارنالعان قازاقشا مەدياتەكا سىندى ءتۇرلى فورماتتاعى كونتەنت بار. ايرىقشا اتاپ وتەرلىگى – بۇل مازمۇن تەك كوڭىل كوتەرۋ ءۇشىن ەمەس، تانىم مەن تاربيەنى دە قاتار الىپ جۇرەتىن سيپاتقا يە.
وسى باستامالاردىڭ بىرىندە مىڭنان استام اۆتور مەن تالانت يەلەرى توعىسقان. ەرجانوۆ پەن نۇرعالييەۆ، ساتىبالدى مەن شەمەس، اقمولدا مەن ورازعالييەۆا سياقتى تانىمال تۇلعالار جاڭا كونتەنت وندىرۋدە باس قوستى. ءبىر جوبانىڭ ءوزى MIPCOM سەكىلدى حالىقارالىق نارىقتا مويىندالىپ، ءتىپتى گولليۆۋد ساحناسىنان دا ورىن الدى. بۇل – بۇرىنعى ەلەس، بۇگىنگى شىندىق.
جاڭا پلاتفورما تۋرالى ءسوز قوزعاعاندا، ونىڭ ارتىندا تەك كورەرمەنگە باعىتتالعان ءونىم عانا ەمەس، تولىققاندى شىعارماشىلىق ينفراقۇرىلىم جاتقانىن بايقايمىز. كينو ءتۇسىرۋ ستۋدياسى، دۋبلياج سەحى، قۇقىقتاردى حالىقارالىق نارىققا شىعارۋ جۇيەسى – ءبارى ءبىر ورتالىقتان ءوربيدى. بۇل – ءبىر عانا قىزمەت ەمەس، تۇتاس ەكوجۇيە. ال بۇل ەكوجۇيەنىڭ جۇرەگىندە وزەكتى يدەيا بار: ءوز تىلىمىزدە ءوز شىندىعىمىزدى ايتۋ.
12 قىركۇيەك – جاي كۇن ەمەس. بۇل – جاڭا بۋىن مەديانىڭ العاشقى قادامىنا كۋا بولاتىن ءسات. ەكراننان ءوز داۋسىڭىزدى ەستىگىڭىز كەلسە – باعىت بەلگىلى.