تاۋەلسىزدىكتىڭ 30 جىلدىعىنا تاپتىرماس تارتۋ
بۇگىن قازاق انتروپولوگياسىنىڭ نەگىزىن قالاۋشى، اكادەميك ورازاق سماعۇلوۆتىڭ ەڭبەگى جارىق كوردى، دەپ حابارلايدى Almaty-akshamy.kz 24.kz-كە سىلتەمە جاساپ
قازاق حالقىنىڭ 50 عاسىرلىق تاريحى تۋرالى كىتاپتىڭ تۇساۋى تۇركى اكادەمياسىنىڭ جاڭادان سالىنعان عيماراتىندا كەسىلدى. قوس بىردەي قۋانىشقا مەملەكەتتىك حاتشى، مادەنيەت جانە سپورت ءمينيسترى، زيالى قاۋىم وكىلدەرى مەن شەت ەلدەردىڭ ەلشىلەرى كۋا بولدى. «قازاق حالقى مەن ونىڭ اتا-تەگىنە وراي انتروپولوگيالىق وچەركتەر» دەپ اتالاتىن ەڭبەك قازاق،ورىس، تۇرىك، اعىلشىن تىلدەرىندە جاريالانىپ وتىر. ىرگەلى زەرتتەۋگە العى ءسوزدى پرەزيدەنت قاسىم-جومارت توقايەۆ جازعان.
«عالىم بۇرىنعى ەڭبەكتەرىندە حالقىمىزدىڭ 4 مىڭ جىلدىق تاريحىن تۇگەندەسە، بۇگىنگى تۋىندىسىندا جۇرتىمىزدىڭ 5 مىڭ جىلدىق ناسىلدىك تەگىنىڭ ۇلان-عايىر اتا-جۇرتىمىزبەن تىعىز ساباقتاستىعى بارىن عىلىمي تۇردە دالەلدەپ، عىلىمي تۋىندىعا اينالدىردى. ىرگەلى زەرتتەۋگە قاتىستى ق ر پرەزيدەنتى قاسىم-جومارت توقايەۆتىڭ العىسوزىمەن قازاق، ورىس، تۇرىك تىلدەرىندە جاريالانىپ وتىر. ورازاق اعا، امانشىلىق بولسا وسىلاي بىرگە جۇمىس ىستەپ، ءسىزدىڭ عاسىرلىق تويىڭىزدا ءسىزدىڭ تاعى دا وسىنداي شىعارماشىلىق تابىستارعا جەتە بەرۋگە تىلەكتەسپىز»، - دەدى ق ر مەملەكەتتىك حاتشىسى قىرىمبەك كوشەربايەۆ.
سونداي-اق، عالىمنىڭ بۇل ەڭبەگى 70-شى جىلدارى كەڭەستىك سەنزۋرادان وتپەي، ورتەلگەن ەدى. ال ورازاق سماعۇلوۆتىڭ ءوزى قۋعىن-سۇرگىنگە ۇشىراعان.
«مىنا ءۇشىنشى مىڭ جىلدىقتىڭ باسىندا وتىرمىز عوي. ەگەر ءۇشىنشى مىڭجىلدىقتىڭ اياعىنداعى ۇرپاقتار بۇگىنگى قازاقتاردىڭ مىڭ جىل وتسە دە، ءوزىنىڭ اتاتەگى ەكەنىن ەركىن ءتۇسىنىپ، دالەلدەپ، سونى ءبىزدىڭ زەرتتەۋىمىزگە قاراپ، ناقتىلانادى. بۇدان ارتىق ەندى عىلىمدا زەرتەۋلەر جوقتىڭ قاسى»، - دەدى قازاق انتروپولوگياسىنىڭ نەگىزىن سالۋشى ورازاق سماعۇلوۆ.