مباپپە ماچ نۇكتەسىن قويدى، ەسەپ 8:0
فۋتبولدان قازاقستان قۇراماسى 2022 جىلعى الەم چەمپيوناتىنىڭ ىرىكتەۋ كەزەڭىن انتيرەكوردپەن اياقتادى، دەپ حابارلايدى Almaty-akshamy.kz Prosports.kz-كە سىلتەمە جاساپ.
ىرىكتەۋ كەزەڭنىڭ 8-تۋرىندا قازاقستاندىقتار الەم چەمپيونى فرانسياعا قوناققا بارعان. بۇل ويىندا تالعات بايسۋفينوۆ جاس فۋتبولشىلارعا يەك ارتتى. ال فرانسۋزدار الاڭعا نەگىزگى قۇرامىن شىعاردى.
ناتيجەسىندە الاڭ يەلەرى ۇزىلىسكە دەيىن جاۋاپسىز ءۇش گول توعىتىپ تاستادى. ءۇش گولدى دا كيليان مباپپە سوقتى. ول الدىمەن 6، كەيىن 12-مينۋتتا كوزگە ءتۇستى، ال 32-مينۋتتا حەت-تريك اۆتورى اتاندى.
ەكىنشى تايمدا دا فرانسيا فۋتبولشىلارى قارقىنىن ازايتقان جوق. 55 جانە 59-مينۋتتاردا كاريم بەنزەما ەسەپتى ۇلعايتتى.
كەزدەسۋدىڭ 75-مينۋتتا ادريەن رابو كومانداسىنىڭ التىنشى گولىن سالدى. 84-مينۋتتا انتۋان گريزمانن پەنالتيدەن گول سالىپ، ەسەپتى 7:0 قىلدى.
ءبىراق ماچ مۇنىمەن بىتكەن جوق. 87-مينۋتتا مباپپە ماچ نۇكتەسىن قويدى - 8:0.
قازاقستان ءوز تاريحىندا رەسمي ماچتاردا مۇنداي ءىرى ەسەپپەن جەڭىلىپ كورمەگەن. سوندىقتان 0:8 قازاقستان تاريحىنداعى ەڭ ءىرى جەڭىلىس رەتىندە تىركەلىپ وتىر.
وسىلايشا، قازاقستاننىڭ ءاچ-2022 ىرىكتەۋ كەزەڭىندەگى جارىس جولى اياقتالدى. كوماندا سەگىز ماچتىڭ ۇشەۋىندە تەڭ ءتۇسىپ، قالعان بەسەۋىندە جەڭىلىپ قالدى. بايسۋفينوۆ شاكىرتتەرى D توبىندا سوڭعى ورىن الدى. ال فرانسيا قۇراماسى توپتا كوش باستاپ، كاتارداعى الەم چەمپيوناتىنا شىقتى.
الەم چەمپيوناتى – 2022. ىرىكتەۋ كەزەڭى. D توبى. 8-تۋر.
فرانسيا – قازاقستان 8:0 (3:0)
گولدار: مباپپە 6، 12، 32، 97، بەنزەما 55، 59، رابو 75، گريزمانن پەن. 84.
فرانسيا: لوريس (ق، ك)، ل. ەرناندەس (لانگلە 79)، يۋپامەكانو، كۋندە، ت. ەرناندەس، كانتە (چۋامەني 72)، رابو، كومان (پاۆار 79)، بەنزەما (م. ديابي 72)، گريزمانن، مباپپە (بەن-يەددەر 88).
قازاقستان: س. پوكاتيلوۆ (ق)، تايكەنوۆ، ءالىپ، ماروچكين، ەرلانوۆ، بىستروۆ (قايىروۆ 85)، جارىنبەتوۆ، قۋات، تاپالوۆ (بايتانا 68)، ومىرتايەۆ (ۆاسيليەۆ 61)، ايىمبەتوۆ (ا. جاقسىلىقوۆ 61).