بىشكەكتە قازاقستان كينوسىنىڭ كۇندەرى ءوتىپ جاتىر، دەپ حابارلايدى aqshamnews.kz
ءۇش كۇن بويى كورسەتىلىمدەر «الا-توو» كينوتەاترىندا وتەدى. 20 تامىز كۇنى ساعات 18:00-دە كورەرمەندەرگە رۇستەم ابدراشيەۆتىڭ «قازاق حاندىعى. التىن تاق» ءفيلمى ۇسىنىلادى.
كەلەسى كۇنى، 21 تامىزدا ساعات 14:00-دە ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن راشيد سۇلەيمەنوۆتىڭ «وپەراسيا نابات» كارتيناسى كورسەتىلەدى. باعدارلامانى 22 تامىزدا ساعات 11:00-دە رەجيسسەر جاندوس قۇسايىنوۆتىڭ ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن «جامبىل. جاڭا ءداۋىر» ءفيلمى قورىتىندىلايدى.
ءار كورسەتىلىمنەن كەيىن فيلم اۆتورلارىمەن پىكىرتالاس ۇيىمداستىرىلادى. بۇل كورەرمەندەرگە رەجيسسەرلەردىڭ شىعارماشىلىق وي-تۇجىرىمىن تەرەڭىرەك تۇسىنۋگە جانە وزدەرىن قىزىقتىرعان سۇراقتارىن قويۋعا مۇمكىندىك بەرەدى. ۇيىمداستىرۋشىلار بارلىق كورسەتىلىمدەردىڭ ەركىن قولجەتىمدى بولاتىنىن ەرەكشە اتاپ ءوتتى.