ەل تاۋەلسىزدىگىنىڭ 30 جىلدىعىنا وراي ءال-فارابي اتىنداعى قازاق ۇلتتىق ۋنيۆەرسيتەتىندە «قازاق ەلىنىڭ جاڭا ءداۋىرى» اتتى حالىقارالىق عىلىمي-تاجىريبەلىك كونفەرەنسيا ءوتتى.
ايتۋلى شاراعا مەملەكەت جانە قوعام قايراتكەرلەرى، ق ر سەناتى مەن ءماجىلىس دەپۋتاتتارى، الماتى قالاسى اكىمدىگىنىڭ جانە قوعامدىق ۇيىمداردىڭ وكىلدەرى، تاريحشى عالىمدار مەن ساراپشىلار، الماتى قالاسى اكىمىنىڭ ورىنباسارى ەرجان باباقۇماروۆ قاتىستى.
كونفەرەنسيانىڭ اشىلۋىندا ق ر پارلامەنتى سەناتىنىڭ ءتوراعاسى ماۋلەن ءاشىمبايەۆتىڭ قۇتتىقتاۋ حاتىن ق ر پارلامەنتى سەناتىنىڭ الەۋمەتتىك-مادەني دامۋ جانە عىلىم كوميتەتىنىڭ ءتوراعاسى مۇرات ب ا قتيار ۇلى وقىدى. حاتتا: «تاۋەلسىزدىگىمىزدىڭ 30 جىلدىعىنا بايلانىستى ءىس-شارالار حالىققا رۋحاني سەرپىلىس اكەلۋى قاجەت. بۇل تاريحي داتانىڭ ءمانى مەن ماڭىزىن حالىققا ءتۇسىندىرۋ، اشىپ كورسەتۋ وتە ماڭىزدى. وسى تۇرعىدان العاندا، «قازاق ەلىنىڭ جاڭا ءداۋىرى» اتتى حالىقارالىق عىلىمي-پراكتيكالىق كونفەرەنسيانىڭ بەرەرى مول»، – دەلىنگەن. قۋعىن-سۇرگىنگە تولى ناۋبەتتى جىلداردىڭ، اشارشىلىقتىڭ اۋىر زارداپتارى تۋرالى ايتقان سپيكەر، تاۋەلسىزدىك العاننان كەيىن ەلىمىزدە بۇل باعىتتا اۋقىمدى جۇمىستار جۇرگىزىلگەنىن تىلگە تيەك ەتتى.
«وتكەن عاسىردىڭ العاشقى جارتىسىندا قازاق حالقىنىڭ باسىنان اسا اۋىر ناۋبەت جىلدار وتكەنى تاريحي شىندىق. دەرەكتەردە كورسەتىلۋىنشە، ەكى رەتكى اشتىقتا حالقىمىزدىڭ تەڭ جارتىسىنان استامى قۇربان بولدى. تاريحشىلارىمىز اشارشىلىققا ۇشىراماساق، وسى كۇندە 40–50 ميلليون بولار ەدىك دەگەن بولجام جاسايدى. وسىدان-اق قىزىل يمپەريانىڭ قولىمەن جاسالعان اشارشىلىقتىڭ قانشالىق اۋىر بولعانىن اڭعارۋعا بولادى»، – دەدى مۇرات باقتيار ۇلى.
كونفەرەنسيا بارىسىندا ق ر پارلامەنتى ءماجىلىسىنىڭ دەپۋتاتى جۇلدىز سۇلەيمەنوۆا ونلاين قوسىلىپ، «تاۋەلسىزدىك تۇعىرىن نىعايتۋدا قازۇۋ-دىڭ ۇلەسى زور. وتاندىق عىلىم، ءبىلىم سالاسىنىڭ بىلىكتى كادرلارى ەگەمەن ەلىمىزدىڭ كەمەل كەلەشەگىن قالىپتاستىرۋعا ەلەۋلى ۇلەس قوسىپ كەلەدى»، – دەدى. جيىنعا قاتىسۋشىلار قازاقستاننىڭ الەمدىك قاۋىمداستىقتاعى الاتىن ورنى مەن ماڭىزىن، سىرتقى ساياسي قاتىناستارىنىڭ قالىپتاسۋ ۇدەرىسى تۋرالى كەلەلى ويلارىن ورتاعا سالدى.
«تاۋەلسىزدىك – بۇل ءبىزدىڭ حالقىمىزدىڭ ەڭ باستى قۇندىلىعى جانە ەڭ ماڭىزدى بايلىعى. تاۋەلسىزدىگىمىزدى كوزدىڭ قاراشىعىنداي ساقتاۋ – وتانىمىزدىڭ ءاربىر ازاماتىنىڭ اسا ماڭىزدى مىندەتى ءارى قاسيەتتى بورىشى. بۇگىنگى ءبىلىم بەرۋ سالاسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ الار ورنى ەرەكشە. ءبىلىمنىڭ قارا شاڭىراعى QS جاھاندىق رەيتينگتە 165-ورىندا تۇرسا، ۇلتتىق رەيتينگتەردە كوش باسىندا كەلەدى. ءبىلىم مەن عىلىمدى ۇشتاستىرىپ وتىرعان وقۋ ورداسى الداعى ۋاقىتتا دا ساپالى ءبىلىم مەن تاربيە بەرۋ باعىتىنداعى ماڭىزدى دا مازمۇندى جوبالارىن جۇزەگە اسىرا بەرەدى دەگەن سەنىمدەمىن»، – دەدى الماتى قالاسى اكىمىنىڭ ورىنباسارى ەرجان باباقۇماروۆ.
كونفەرەنسيا سوڭىندا قازاقستاننىڭ الەمدەگى ورنى مەن ءرولىنىڭ حالىقارالىق دەڭگەيدە زەرتتەلۋىنە جاڭا سەرپىن بەرىلەتىنى بەلگىلى بولدى.