كوشباسشىلىق، تۇراقتىلىق پەن ىلگەرىلەۋ – تاۋەلسىز قازاقستاننىڭ قالىپتاسۋىنىڭ، دامۋىنىڭ جانە نىعايۋىنىڭ نەگىزىندە جاتقان ماڭىزدى ۇعىمدار
بۇل تۋرالى ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين ەل تاۋەلسىزدىگىنىڭ 30 جىلدىعىنا ارنالعان حالىقارالىق كونفەرەنسيادا مالىمدەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ءوز سوزىندە ول قازاقستاننىڭ ورتالىق ازيا ەلدەرىنىڭ ىشىندە ءبىرىنشى بولىپ بۇۇ-نىڭ قاۋىپسىزدىك كەڭەسىنە تۇراقتى ەمەس مۇشە بولعانىن ەرەكشە اتاپ ءوتتى. نۇرلان نىعماتۋلين ەلباسى نۇرسۇلتان نازاربايەۆ باستاعان ساياساتتى مەملەكەت باسشىسى قاسىم-جومارت توقايەۆتىڭ ءساتتى جۇزەگە اسىرىپ جاتقانىنىن دا تىلگە تيەك ەتتى.
«ەلباسىمىز نۇرسۇلتان نازاربايەۆ 30 جىلدىڭ ىشىندە ەكونوميكاسى مىقتى، قوعامى تۇراقتى، حالقى تاتۋ، مارتەبەسى بيىك تاۋەلسىز قازاقستاننىڭ ىرگەتاسىن قالادى. ونى ودان ءارى نىعايتۋ ءۇشىن مەملەكەت باسشىسى قاسىم-جومارت توقايەۆ ساياسي، الەۋمەتتىك-ەكونوميكالىق رەفورمالاردى قولعا الىپ، ناقتى ستراتەگيالىق مىندەتتەر قويدى. ءبىز ءبىر ەل، ءبىر حالىق بولىپ وسى العا قويعان ماقساتتارىمىزعا ابىرويمەن جەتەمىز دەپ سەنەمىن»، - دەدى ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين.
قازاقستان-رەسەي ىنتىماقتاستىعى ارتىپ كەلەدى.
سونىمەن قاتار كونفەرەنسياعا شەتەلدىك جانە قازاقستاندىق كورنەكتى مەملەكەت، ساياسي جانە قوعام قايراتكەرلەرى، عالىمدار مەن ساراپشىلار قاتىستى. رف مەملەكەتتىك دۋماسى ءتوراعاسىنىڭ ءبىرىنشى ورىنباسارى الەكساندر جۋكوۆتىڭ ايتۋىنشا، قازاقستان – بۇكىل ەۋرازياداعى ينتەگراسيالىق ۇدەرىستەردىڭ لوكوموتيۆى. تاۋەلسىزدىك جىلدارىندا ەلىمىز ۇلكەن ەكونوميكالىق سەرپىلىس جاساي الدى. اتاپ ايتقاندا، كورشىلەس ەلدەرمەن تاۋار اينالىمىنىڭ كولەمى جىل سايىن ارتىپ، بىرلەسكەن كاسىپورىندار ىسكە قوسىلىپ، ەڭبەك كوشى-قونى دامىپ كەلەدى. قازاقستان الەم مويىنداعان كوشباسشى ەلدەردىڭ قاتارىندا.
«قازاقستان مەملەكەت رەتىندە قالىپتاستى دەپ نىق سەنىممەن ايتۋعا بولادى. ءبىز قازاقستاننىڭ الەمدىك قوعامداستىقتىڭ تولىققاندى بەلسەندى مۇشەسى بولا وتىرىپ، بەيبىتشىلىك پەن كەلىسىمدى ساقتاۋعا باعىتتالعان كوپۆەكتورلى سىرتقى ساياساتتى ۇستاناتىنىن كورىپ وتىرمىز. ونىڭ ارتىندا بەيبىتشىلىكتى ساقتاۋ مەن تۇراقتى دامۋ نەگىزدەرى بار. بۇل باستامالار قازاقستانىڭ الەمدىك ارەناداعى بەدەلىن ايشىقتادى»، - دەدى رف مەملەكەتتىك دۋماسى ءتوراعاسىنىڭ ءبىرىنشى ورىنباسارى الەكساندر جۋكوۆ.