قازاقستاندىق بوكسشى كەلەسى كەزەڭگە ءوتتى
بەلگرادتا ءوتىپ جاتقان بوكستان الەم چەمپيوناتىندا قازاقستاندىق اسلانبەك شىمبەرگەنوۆ ەكىنشى كەزەڭگە جولداما الدى، دەپ حابارلايدى Almaty-akshamy.kz
1/32 اينالىمدا اسلانبەك يراندىق بوكسشى فارحاد موراديگە قارسى شىققان بولاتىن. جەكپە-جەك بار بولعانى ەكى جارىم مينۋتقا سوزىلدى.
ءبىرىنشى راۋندتىڭ اياقتالۋىنا 30 سەكۋند قالعاندا يراندىق بوكسشىنىڭ قاباعى جارىلىپ، دارىگەرلەر جەكپە-جەكتى توقتاتتى. جارىس ەرەجەسى بويىنشا، ءدال وسى كەزدە ەسەپتە الدا تۇرعان بوكسشى كەلەسى اينالىمعا وتەدى. تورەشىلەر 5:0 ەسەبىمەن شىمبەرگەنوۆتى جەڭىمپاز دەپ تانىعان.
اسلانبەك شىمبەرگەنوۆتىڭ كەلەسى قارسىلاسى - وزبەكستاندىق شاحرام گياسوۆ.