قازاق ادەبيەتىنىڭ فوتوشەجىرەسى

الماتىدا وسىنداي البوم جارىققا شىقتى. 

البوم 1920-1970 جىلدار ارالىعىن قامتيدى، دەپ حابارلايدى Almaty-akshamy.kz.

24.kz اقپاراتىنا سايكەس، جيناققا «ورتالىق مەملەكەتتىك كينو-فوتوقۇجاتتار مەن دىبىس جازبالارى ارحيۆىندە» ساقتالعان اسا قۇندى تاريحي قۇجاتتار، بەلگىلى اقىن-جازۋشىلاردىڭ، عالىمداردىڭ، مەملەكەت جانە قوعام قايراتكەرلەرىنىڭ سۋرەتتەرى كىرگەن. ونىڭ ىشىندە بۇرىن ەش جەردە جاريالانباعان فوتولار بار. ماسەلەن، توپ بولىپ تۇسكەن فوتوسۋرەتتەردەگى ادامداردىڭ بارلىعىنىڭ ءاتى-جونى جازىلىپ، قاي جىلى تۇسكەنىنە دەيىن انىقتاما بەرىلدى. فوتوشەجىرەنى فيلوسوفيا عىلىمىنىڭ كانيداتى، وسى مەكەمەنىڭ باس ساراپشىسى جاناي وماروۆ قۇراستىردى. جيناق قازاق ادەبيەتىنە جاناشىر بيزنەس يەسىنىڭ دەمەۋشىلىگىمەن جارىق كوردى. تيراجى – 200 دانا. الداعى ۋاقىتتا فوتوشەجىرەنىڭ ەكىنشى كىتابىن شىعارۋ جوسپاردا بار.

«كوپتەگەن اقىن-جازۋشىلارىمىزدىڭ ومىردەن ءوتىپ كەتكەن، سولاردىڭ ۇرپاقتارى، سولاردىڭ سۋرەتتەرىن ۇيىندە ساقتايدى دا، ونى حالىق كورە بەرمەيدى. بۇل كىسىلەر – ەلىمىزدىڭ اتاقتى ۇلدارى، بەلگىلى قوعام قايرەتكەرلەرى. ولاردىڭ ءومىرى، جالپى شىعارمالارى قازاق حالقىنا قىزىق جانە كەرەك»، - دەيدى «ورتالىق مەملەكەتتىك كينو-فوتوقۇجاتتار مەن دىبىس جازبالارى ءارحيۆى» رمم ديرەكتورى ءىلياس ىسقاقوۆ.