قاۋىننىڭ بارلىعى ءدامدى، بارلىق بولىگى جەۋگە جارامدى جانە پايدالى.
قاۋىن – جەمىس پە الدە كوكونىس پە؟
بوتانيكا تۇرعىسىنان، قاۋىن – ءبىرجىلدىق شوپتەسىن وسىمدىك، قيار تۇقىمداسىنا جاتاتىن باقشا داقىلى. شىندىعىندا، قاۋىن – جالعان جيدەك، كوپ تۇقىمدى قيار ءتارىزدى وسىمدىك، سالماعى 200 گ-نان 20 كگ-عا دەيىن.
بۇل باقشا وسىمدىگى تەك تاماشا دەسەرت رەتىندە عانا ەمەس، سونىمەن قاتار ديەتالىق جانە ەمدىك قاسيەتتەرىمەن دە باعالانادى. دەگەنمەن، قاۋىننىڭ كەيبىر قاسيەتتەرى پايدا اكەلۋدىڭ ورنىنا زيان كەلتىرۋى مۇمكىن.
پايدالى قاسيەتتەرى:
- قاۋىننىڭ كالورياسى وتە تومەن – 100 گراممعا 30-38 ككال، بۇل ونى ديەتالىق تاعام رەتىندە پايدالانۋعا مۇمكىندىك بەرەدى.
- قاۋىن ۆ9 دارۋمەنىنىڭ (فوليي قىشقىلى) ماڭىزدى كوزى بولىپ تابىلادى، ال س دارۋمەنى ءبىزدىڭ دەنەمىزدى سۋىق مەزگىلدە قورعاۋعا كومەكتەسەدى.
- بەتا-كاروتين تەرىمىز بەن شاشىمىزدى ادەمى ەتەدى.
- قاۋىن كوڭىل-كۇيدى كوتەرىپ، ۇيقىسىزدىقتان، شارشاۋدان جانە اشۋلانشاقتىقتان ارىلۋعا كومەكتەسەدى.
زياندى قاسيەتتەرى:
- قاۋىننى ءسۇت ونىمدەرىمەن جانە الكوگولدى سۋسىندارمەن بىرگە تۇتىنۋ اسقازان-ىشەك جولدارىنىڭ بۇزىلۋىنا اكەلۋى مۇمكىن.
- ەمىزۋلى بالاسى بار انالارعا قاۋىن تۇتىنۋ ۇسىنىلمايدى، سەبەبى ول بالادا اس قورىتۋ پروبلەمالارىن تۋدىرۋى مۇمكىن.
- قانت ديابەتىمەن اۋىراتىندارعا دا قاۋىننى شەكتەۋ قاجەت.
قاۋىننى قالاي دۇرىس تاڭداۋ كەرەك؟
- قاۋىندان مىندەتتى تۇردە حوش ءيىس شىعۋى كەرەك.
- قاۋىننىڭ قابىعىن قولىڭىزبەن باسقاندا، ول ءسال يىلگىش بولۋى قاجەت.
قاۋىن – وتە ءدامدى ءارى پايدالى ءونىم، ءبىراق ونى دۇرىس جانە ۋاقىتىندا تۇتىنۋ ماڭىزدى. قاۋىننىڭ پايداسى ونىڭ دۇرىس پايدالانۋىندا جاتىر. دۇرىس تاڭدالعان قاۋىن سىزگە تەك ءلاززات عانا ەمەس، دەنساۋلىققا دا پايدا اكەلەدى.