قاۋىن - ءدامى ءتىل ۇيىرەتىن جەمىس قانا ەمەس، تابيعي ەمنىڭ كوزى. ونىڭ قۇرامىندا اعزاعا قاجەت پايدالى زات وتە كوپ، - دەپ حابارلايدى اqshamnews.kz ءتىلشىسى تسن ارناسىنا سىلتەمە جاساپ.
قاۋىن دەنساۋلىققا قالاي اسەر ەتەدى؟
قاۋىندى كەيدە "جاستىقتىڭ ەليكسيرى" دەپ اتالادى. بۇل جاي تەڭەۋ ەمەس. ونىڭ قۇرامىنداعى بەتا-كاروتين بار. ول تەرىنى ۋلتراكۇلگىن ساۋلەدەن قورعايدى جانە كوللاگەن ءبولىنۋىن كۇشەيتەدى. قاۋىندى تۇراقتى جەيتىن ادامداردىڭ تەرىسى تارتىمدى، ءاجىم ازايىپ، بەت الپەتى بالعىن تارتادى.
كورۋ قابىلەتىن جاقسارتادى
قاۋىندا ا دارۋمەنى مول. بۇل دارۋمەن كوزدىڭ ساۋلىعى ءۇشىن اسا قاجەت. قاۋىن كوزدىڭ كورۋىن جاقسارتىپ، كوز اۋرۋلارىنىڭ الدىن الۋعا، ءتىپتى جاسقا بايلانىستى وزگەرىستەردى باياۋلاتۋعا كومەكتەسەدى.
جۇرەككە پايدالى
قاۋىننىڭ قۇرامىنداعى كاليي جۇرەك پەن قان قىسىمىنا جاقسى اسەر ەتەدى. قاۋىندى ءجيى جەگەن ادامنىڭ قان قىسىمى تۇراقتانىپ، جۇرەك بۇلشىقەتى نىعايادى، جۇرەك اۋرۋلارىنىڭ ءقاۋپى ازايادى.
كۇيزەلىسكە قارسى كومەكتەسەدى
قاۋىندا تريپتوفان اتتى امينقىشقىل بار - ول اعزادا سەروتونين (باقىت گورمونى) تۇزىلۋىنە قاتىسادى. سوندىقتان قاۋىن جەگەن سوڭ كوڭىل-كۇي جاقسارىپ، كۇيزەلىس ازايادى. ءتىپتى ۋايىم مەن مازاسىزدىقتى جەڭىلدەتۋگە كومەكتەسەدى دەگەن پىكىرلەر بار.
اسقورىتۋ جۇيەسىن جاقسارتادى
قاۋىن - تالشىققا باي جەمىس. ول ىشەك جۇمىسىن جاقسارتىپ، اسقورىتۋ جۇيەسىن رەتتەيدى. ءجيى جەگەن جاعدايدا ءىش قاتۋدىڭ الدىن الۋعا كومەكتەسەدى.
ارىقتاعىسى كەلەتىندەرگە تاپتىرماس جەمىس
قاۋىن ءتاتتى بولعانىمەن، كالورياسى از - 100 گرامىندا بار بولعانى 41 ككال. ونىڭ قۇرامىندا سۋ كوپ، سوندىقتان تابەتتى باسىپ، اعزانى ىلعالمەن قامتاماسىز ەتەدى. قانتقا دەگەن قۇمارلىقتى باسىپ، سالماق تاستاۋعا سەپ بولادى.