ىشكى ىستەر مينيسترلىگى "زاڭ مەن ءتارتىپ" قاعيداتى اياسىندا جۇيەلى جۇمىس جالعاستىرادى، - دەپ حابارلايدى Aqshamnews.kz.
جىل باسىنان باستاپ قازاقستاندا كۇشتى اسەر ەتەتىن زاتتاردىڭ، ونىڭ ىشىندە تىيىم سالىنعان قوسىلىستاردىڭ زاڭسىز اينالىمىنا بايلانىستى قۇقىققا قارسى ارەكەتتەر ءۇشىن قىلمىستىق جاۋاپكەرشىلىك بەلگىلەندى.
ولاردىڭ قاتارىندا تۇنگى كلۋبتاردا كەڭىنەن تارالعان، "كۇلكى گازى" دەپ اتالاتىن بەلگىلى ازوت توتىعى دا بار.
بيىلعى جىلى ەسىرتكى قىلمىسىنا قارسى ءىس-قيمىل بولىمشەلەرى ءبىرقاتار وڭىرلەردە اتالعان زاتپەن تولتىرىلعان مەتالل باللونداردى زاڭسىز تاسىمالداۋ جانە ساقتاۋ فاكتىلەرىن انىقتاپ، جولىن كەستى.
اتاپ ايتقاندا، شىمكەنت قالاسىنداعى تۇنگى كلۋبتاردىڭ بىرىندە "سمەشاريكتەر" دەپ اتالاتىن كۇشتى اسەر ەتەتىن ءونىمدى جۇيەلى تۇردە ساتۋعا قويىلعانى انىقتالدى.
جۇرگىزىلگەن جەدەل ءىس-شارالار بارىسىندا 416 باللون ساقتالعان تۇتاس ءبىر قويما انىقتالدى، ولاردىڭ جارتىسى تىيىم سالىنعان قوسىلىسپەن تولتىرىلعان. ءتيىستى ساراپتاما تاعايىندالدى.
ءىىم ازوت توتىعىن مەديسينالىق ماقساتتان تىس پايدالانۋ ءقاۋىپتى ەكەنىن ەسكەرتردى. بۇرىن ادام ولىمىنە اكەپ سوققان جاعدايلار بولعان. كۇشتى اسەر ەتەتىن زاتتاردىڭ زاڭسىز اينالىمى ءۇشىن 15 جىلعا دەيىن باس بوستاندىعىنان ايىرۋ جازاسى كوزدەلگەن.
ازاماتتاردىڭ قاۋىپسىزدىگىن قامتاماسىز ەتۋگە جانە تىيىم سالىنعان زاتتاردىڭ جولىن كەسۋگە باعىتتالعان ءىس-شارالار جالعاسىن تابادى.