ۇيقى مەن سپورتتى قالاي ۇيلەستىرۋگە بولادى؟
كارديو جانە تەمىر كۇيزەلىس گورموندارىن وڭدەۋگە مۇمكىندىك بەرەدى.
سپورت جانە ۇيقى - بىر-بىرىنە بارىنشا جاقسى اسەر ەتەتىن پروسەستەر. باستىسى، ەكەۋىنە دە سالاۋاتتى ءومىر سالتىن ساقتاۋدىڭ ەرەجەلەرىن ەستەن شىعارماي ۇستانۋ كەرەك. ونداي بولماعان جاعدايدا، ادامنىڭ ۇيقىسى بۇزىلىپ، فيزيكالىق كۇش تۇسىرۋدەن كۇتىلگەندەي ناتيجە شىقپايدى. سپورت پەن ۇيقىنىڭ دۇرىس مولشەرىن قالاي كەلتىرۋ كەرەكتىگىن رەن-تۆ-عا بەرگەن سۇحباتىندا سومنولوگ سوفيا چەركاسوۆا ايتتى، دەپ حابارلايدى Almaty-akshamy.kz ءتىلشىسى.
شارشاۋ مولەكۋلالارى
ماماننىڭ ايتۋىنشا، سپورت ۇيقىعا بىردەن بىرنەشە باعىتتار بويىنشا اسەر ەتەدى.
«ادام فيزيكالىق تۇرعىدا شارشاعان كەزدە، ۇيقى الدەقايدا كۇشەيە تۇسەدى ءارى قالىپقا كەلتىرۋ قاسيەتىنە يە بولادى. فيزيكالىق كۇش ءتۇسىرۋدىڭ اسەرىنەن ادەنوزين كوبىرەك بولىنەدى. بۇل، باسقاشا ايتقاندا، «شارشاۋدىڭ سيگنالدى مولەكۋلالارى» دەپ اتالادى. وسىنىڭ ارقاسىندا ادام قاتتى ۇيىقتايدى»، - دەيدى چەركاسوۆا.
فيزيكالىق كۇش سالۋدىڭ ارقاسىندا ۇيقىنىڭ ءۇشىنشى كەزەڭى - تەرەڭ جانە باياۋ ۇيقىنىڭ ۇزاقتىعى ارتادى. ءدال سول كەزدە دەنەنىڭ فيزيكالىق رەسۋرستارى قالپىنا كەلەدى.
ۇيىقتاۋ قاجەتتىلىگى
ەگەر ءسىز سپورتپەن ۇيلەسىمدى تۇردە اينالىسساڭىز، بارىنە دەگەن قاجەتتىلىك ازايادى.
«كوپ ۇيىقتاعان سايىن ۇيقىڭ قانبايدى دەگەن تۇسىنىك بار. بۇل ءسوز شىندىققا جاناسادى. ادامدا قوزعالىس از بولعاندا، ونىڭ ءپاسسيۆتى جاعدايى، شارشاعىشتىق، ۇيقىشىلدىق جاعدايلارى ارالاسىپ كەتەدى. بۇدان شىعاتىن ناتيجە – تۇسىنىكسىز، ادامنىڭ ءوزىن «قيراعانداي» سەزىنۋى. ادام سپورتپەن ۇنەمى شۇعىلدانعاندا، سەرگەكتىك پەن ۇيقى ناقتى شەگىن بىلەدى. ول ءتىپتى ادەتتەگىدەن ازىراق ۇيىقتايدى»، - دەپ ناقتىلادى دارىگەر.
كۇيزەلىسپەن كۇرەس
سپورت جىلدام ۇيىقتاۋدى تەزدەتەدى. بۇل فاكتور ۇنەمى كۇيزەلىستە جۇرەتىندەر ءۇشىن ماڭىزدى.
«دەنەنىڭ فيزيكالىق بەلسەندىلىگى كەزىندە اعزامىز كۇيزەلىس جاعدايىندا، جاعىمسىز جاڭالىقتار، مازاسىز ويلار مازالاعاندا جانە ت.ب. جاعدايلاردا تۋىنداعان كورتيزول جانە ادرەنالين گورموندارىن وڭدەيدى»، - دەيدى چەركاسوۆا.
سومنولوگتار فيزيكالىق كۇش ءتۇسىرۋدى كۇيزەلىسكە «بوي الدىرماي»، تەز ۇيىقتاپ، قاتتى ۇيىقتاۋ ءۇشىن تاماشا ءتاسىل دەپ سانايدى.
كارديو جانە تەمىر
كوپتەگەن زەرتتەۋلەرگە سايكەس، كارديوجۇكتەمەلەر ۇيقى ءۇشىن ەڭ پايدالى.
«ادام شارشاپ، تەرلەپ، ءوزىن قالاي سەزىنەتىنىن سەزىنۋ ءۇشىن ءيمپۋلسى جوعارىلاعان اەروبتى، مونوتوندى جۇكتەمە»، - دەپ كەڭەس بەرەدى مامان.
ۇيقى ءۇشىن وڭتايلى ەڭ از كارديو جۇكتەمە-كۇنىنە 30-40 مينۋت جانە اپتاسىنا تورت-بەس رەت.
ۇيقىنىڭ سوڭعى ەكى ساعاتىندا كارديوعا، ال ۇيقىعا دەيىن ءتورت ساعات قالعاندا كۇشتىك جۇكتەمە تۇسىرمەۋ كەرەك. ونداي جاعدايدا سپورتشى جۇيكە جۇيەسىن شامادان تىس قوزدىرىپ، ۇيىقتار الدىندا توسەگىندە ءبىراز دوڭبەكشۋى مۇمكىن. ال ويانعاننان كەيىن جارتى ساعات كولەمىندە فيزيكالىق تۇرعىدا بىردەن جاتتىعا باستاعان دۇرىس ەمەس، دۇرىسى، اعزانىڭ تولىقتاي ويانۋىنا مۇمكىندىك بەرۋ كەرەك.