حورۆاتيا قۇراماسىنىڭ قاقپاشىسى دومينيك ليۆاكوۆيچ قاتاردا ءوتىپ جاتقان فۋتبولدان الەم چەمپيوناتىندا سوققىنى قايتارۋ جونىنەن ۇزدىك اتاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
قاقپاشى الەم بىرىنشىلىگىنىڭ جەتى كەزدەسۋىندە بارلىعى 25 سوققىنى قايتاردى.
ليۆاكوۆيچ وسىعان دەيىن كوش باسىندا بولعان پولشا قۇراماسىنىڭ قاقپاشىسى ۆويسەح ششەنسنىدىڭ كورسەتكىشىنەن (23) اسىپ ءتۇستى. ءبىراق ۆ.ششەنسنى چەمپيوناتتا ءتورت-اق ماچ وتكىزدى.
بەس كەزدەسۋدە 18 سەيۆ جاساعان نيدەرلاندىلىق قاقپاشى اندريس نوپپەرت ۇزدىك ۇشتىكتى تۇيىندەپ تۇر.
بۇگىن الەم چەمپيوناتىنىڭ فينالىندا فرانسيا مەن ارگەنتينا قۇرامالارى التىن ءۇشىن تالاسادى. دەگەنمەن بۇل ەلدىڭ قاقپاشىلارى ۋگو لوريس پەن ەميليانو مارتينەس ۇزدىكتەر كورسەتكىشىن جاقسارتا قويۋى نەعايبىل، ولاردىڭ ەنشىسىندە تيىسىنشە 10 جانە 5 سەيۆتەن بار.