اعىلشىندار مۇنداي جەتىستىككە جالعىز رەت - سوناۋ 1966 جىلى قول جەتكىزدى
قاتاردا ءوتىپ جاتقان فۋتبولدان 2022 جىلعى الەم چەمپيوناتى 1/8 فينالىنىڭ ءتورتىنشى كەزدەسۋىندە انگليا مەن سەنەگال قۇرامالارى وينادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزدەسۋ بارىسىندا قۇرامالار تەزىرەك گول سوعۋعا تىرىسقان ەدى. دەسە دە، ءبىر-بىرىنىڭ قاقپاسىنا جاسالعان شابۋىلدار اياقسىز قالىپ جاتتى.
وسىنداي ساتتەردىڭ بىرىندە انگليالىق دجوردان حەندەرسون 38-مينۋتتا سوققان گول ءوز قۇراماسىن العا شىعاردى.
ويىننىڭ 48-مينۋتىندا گارري كەين مەرگەندىك تانىتىپ، تۇماندى البيون ەلى قۇراماسىنىڭ باسىمدىعىن ارتتىردى.
ال 57-مينۋتتا بۋكايو ساكا قورىتىندى ەسەپتى بەلگىلەدى.
وسىلايشا انگليا قارسىلاسىنان 3:0 ەسەبىمەن باسىم ءتۇستى.
انگليا قۇراماسى الەمدىك مۋنديالدا جەڭىمپاز بولۋدى الدىنا ماقسات ەتىپ قويعان جايى بار.
اعىلشىندار مۇنداي جەتىستىككە جالعىز رەت - سوناۋ 1966 جىلى قول جەتكىزدى. چەمپيون اتانۋعا قۇرامانىڭ بارلىق مۇمكىندىگى بار.
ەسكە سالساق، 4 جەلتوقساندا تاعى ءبىر كەزدەسۋدە فرانسيا پولشانى تىزە بۇكتىرىپ، شيرەك فينالعا شىقتى.
ەندى اعىلشىن فۋتبولشىلارى جارىستىڭ اتالعان ساتىسىندا 10 جەلتوقساندا فرانسيامەن كەزدەسەدى.
سونداي-اق، جارىستىڭ اتالعان ساتىسىنداعى تاعى ءبىر كەزدەسۋدە 9 جەلتوقساندا نيدەرلاند پەن فرانسيا قۇرامالارى كەزدەسەدى.
ال 5 جەلتوقساندا 1/8 فينالدا برازيليا مەن وڭتۇستىك كورەيا، جاپونيا مەن حورۆاتيا قۇرامالارى سىنعا تۇسەدى.
6 جەلتوقساندا پورتۋگاليا مەن شۆەيساريا، ماروككو مەن يسپانيا ب ا ق سىنايدى.