الماتى قالاسىنداعى №40 ۋچاسكەسىنە ارنايى بارىپ، داۋىس بەردىم. بيلىكتىڭ قازىرگى جاساپ جاتقان باتىل رەفورمالارىن تولىق قولدايمىن. بۇعان دەيىن دە بىرنەشە باسىلىمدا ويىمدى بىلدىرگەنمىن.
اتا زاڭدى قايتىپ قاراماساق بولمايتىنىن ۋاقىت ءوزى كورسەتتى. ۇلتتىق كىتاپحانادا قازاقستان جازۋشىلار وداعى كەڭەيتىلگەن وتىرىس وتكىزدى. سوندا وداقتىڭ مۇشەلەرى، اقىندار مەن جازۋشىلارمەن بىرگە پرەزيدەنتتىڭ كونستيتۋسياعا ەنگىزگەن وزگەرىستەرىن رەفەرەندۋم اياسىندا جالپىحالىقتىق داۋىس بەرۋگە شاقىرىپ، پىكىرىمىزدى جان-جاقتى بولىستىك.
اتا زاڭ باپتارىنىڭ 1/3 وزگەرەدى دەدى. 27 جىل بۇرىن 1995 جىلدىڭ قاراشا ايىندا كونستيتۋسيالىق زاڭ قابىلداعانى بەلگىلى. ودان بەرى 4 رەت وزگەرىس ەنگىزىلدى. ال بۇل جولعى وزگەرىس تىپتەن بولەك. ويتكەنى 30 جىل ۋاقىت ءوتتى.
بۇگىننەن كەيىن ءبىراز رەفورمانى جۇزەگە اسىرۋعا مىندەتتىمىز. زاڭنىڭ جەتىلمەگەن جەرىن جەتىلدىرۋگە ءتيىستىمىز. ماسەلەن، ەكونوميكالىق، قۇقىقتىق بولسىن، كەز كەلگەن سالادا زاڭدى كۇشەيتۋدى ۋاقىت كورسەتىپ وتىر. حالىقتىڭ ەڭسەسىن، الەۋمەتتىك جاعدايىن كوتەرۋ دەگەن سياقتى كەزەك كۇتتىرمەيتىن كەزەڭگە كەلدىك دەپ ويلايمىن.