مەملەكەت باسشىسى جۇڭگو حالىق رەسپۋبليكاسىنىڭ ءتوراعاسى سي ءسزينپيندى جۇڭگو كوممۋنيستىك پارتياسى ورتالىق كوميتەتىنىڭ باس حاتشىسى لاۋازىمىنا قايتا سايلانۋىمەن قۇتتىقتادى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
«بۇل جەڭىسىڭىز وتانداستارىڭىزدىڭ سىزگە جانە قىتايدىڭ ساياسي-ەكونوميكالىق ىرگەسىن نىعايتۋعا، ازاماتتارىنىڭ ءال-اۋقاتىن ەسەلەۋگە جانە حالىقارالىق ساحناداعى بەدەلىن ارتتىرۋعا باعىتتالعان دانا دا كورەگەن ساياساتىڭىزعا كورسەتكەن كەڭ قولداۋىنىڭ ايعاعى ەكەنى ءسوزسىز.
ءسىزدىڭ باسشىلىعىڭىزبەن ەلىڭىز بۇگىننەن دە بيىك بەلەستەرگە جەتە بەرۋىنە شىنايى تىلەكتەستىگىمدى بىلدىرەمىن»، - دەپ جازىلعان جەدەلحاتتا.