2024 جىلى 4 ساۋىردە مەملەكەت باسشىسى قاسىم-جومارت توقايەۆ جول اپاتىنان وزبەكستاندىق سەگىز ازاماتتىڭ قازا تابۋىنا بايلانىستى وزبەكستان پرەزيدەنتى شاۆكات ميرزيويەۆكە كوڭىل ايتتى، دەپ حابارلايدى اlmaty-akshamy.kz.
مەملەكەت باسشىسى قاسىم-جومارت توقايەۆ شىمكەنت – سامارا تاس جولىندا بولعان جول اپاتىنان وزبەكستاندىق سەگىز ازاماتتىڭ قازا تابۋىنا بايلانىستى پرەزيدەنت شاۆكات ميرزيويەۆكە كوڭىل ايتتى، دەلىنگەن اقوردانىڭ باسپا ءسوز قىزمەتىنىڭ حابارلاماسىندا.
قازاقستان پرەزيدەنتى قارا جامىلعان وتباسىلاردىڭ قايعىسىنا ورتاقتاسىپ، جىلى لەبىز ءبىلدىردى.
ايتا كەتسەك، 3 ساۋىردە سامارا-شىمكەنت اۆتوجولىندا مارجانبۇلاق اۋىلىنىڭ ماڭىندا Volvo جۇك كولىگى مەن وزبەكستان رەسپۋبليكاسى ازاماتى تىزگىندەگەن Toyota-اlhpard مينيۆەنىنىڭ قاتىسۋىمەن جول اپاتى بولدى. اپات سالدارىنان مينيۆەن جۇرگىزۋشىسى مەن 7 جولاۋشىسى وقيعا ورنىندا قازا تاپتى. مارقۇمداردىڭ بارلىعى وزبەكستان رەسپۋبليكاسىنىڭ ازاماتتارى ەكەنى ناقتىلانادى. الدىن الا مالىمەتتەر بويىنشا، قوزعالىس كەزىندە جۇك كولىگىنىڭ دوڭگەلەگى جارىلىپ، سالدارىنان جۇرگىزۋشى كولىك رولىنە يە بولا الماي، قارسى باعىتتاعى جولدىڭ بەتىنە شىعىپ كەتكەن.