پرەزيدەنت One Water سامميتىنە قاتىسۋ ءۇشىن ساۋد ارابياسىنا جۇمىس ساپارىمەن كەلدى. حالىقارالىق فورۋم قازاقستان مەن فرانسيانىڭ توراعالىعىمەن، ساۋد ارابياسى جانە دۇنيەجۇزىلىك بانك توبىنىڭ قولداۋىمەن وتەدى، دەپ حابارلايدى aqshamnews.kz
One Water ءسامميتى بىرىككەن ۇلتتار ۇيىمىنىڭ شولەيتتەنۋگە قارسى كۇرەس جونىندەگى كونۆەنسياسىنىڭ (UNCCD) 16-شى تاراپتار كونفەرەنسياسىنىڭ (COP16) اياسىندا ۇيىمداستىرىلادى. سامميت قازاقستان مەن فرانسيانىڭ توراعالىعىمەن، سونداي-اق ساۋد ارابياسى مەن دۇنيەجۇزىلىك بانكتىڭ قولداۋىمەن وتەدى.
ءسامميتتىڭ باستى ماقساتى – تۇراقتى دامۋ ماقساتتارىنىڭ 6-شى تارماعى (تازا سۋ جانە سانيتاريا) بويىنشا ارەكەتتەردى جەدەلدەتۋ جانە 2026 جىلى وتەتىن كەلەسى بۇۇ سۋ كونفەرەنسياسىنا دايىندىق بارىسىندا يننوۆاسيالىق شەشىمدەردى دامىتۋ بولدى. ءىس-شارا بارىسىندا ترانسشەكارالىق ىنتىماقتاستىقتى نىعايتۋ، تەحنيكالىق شەشىمدەردى زەرتتەۋ جانە سۋ سەكتورىنداعى جاھاندىق قارجىلاندىرۋ تاپشىلىعىن جويۋ جولدارى تالقىلانادى.
One Water ءسامميتى مەملەكەتتەر، حالىقارالىق ۇيىمدار، جەرگىلىكتى بيلىك ورگاندارى، دامۋ جانە جەكە بانكتەر، بيزنەس، فيلانتروپتار، عىلىمي ساراپشىلار، ۇكىمەتتىك ەمەس ۇيىمدار مەن ازاماتتىق قوعام اراسىنداعى سەرىكتەستىكتەردى ىنتالاندىرۋ ارقىلى سۋ ماسەلەلەرىن شەشۋگە باعىتتالعان جوبالاردى كەڭەيتۋگە ۇمتىلادى.
بۇل سامميت سۋ رەسۋرستارىن باسقارۋداعى جاھاندىق ىنتىماقتاستىقتى كۇشەيتۋگە جانە سۋعا بايلانىستى ماسەلەلەردى شەشۋدە ناقتى ناتيجەلەرگە قول جەتكىزۋگە ىقپال ەتەدى.
akorda.kz