پرەزيدەنتتىكتەن ۇمىتكەر قاسىم-جومارت توقايەۆ استاناداعى وقۋشىلار سارايىندا ورنالاسقان №58 سايلاۋ ۋچاسكەسىندە داۋىس بەردى، دەپ حابارلايدى اlmaty-akshamy.kz ءتىلشىسى.
كەزەكتەن تىس پرەزيدەنت سايلاۋىندا داۋىس بەرۋ ءۇشىن قاسىم-جومارت توقايەۆ №58 سايلاۋ ۋچاسكەسىنە ساعات 8.48-دە كەلدى.
اتالعان سايلاۋ ۋچاسكەسىنىڭ ءتورايىمى قىمبات مۇقانوۆانىڭ ايتۋىنشا، اتالعان ۋچاسكەدە 2627 ادام تىركەلگەن. قازىرگى ۋاقىتتا 200-دەن استام سايلاۋشى داۋىس بەرىپ ۇلگەرگەن.
قاسىم-جومارت توقايەۆتىڭ كانديداتۋراسىن بىرنەشە ساياسي پارتيا مەن رەسپۋبليكالىق قوعامدىق بىرلەستىك حالىقتىق كواليسيا رەتىندە ۇسىندى. ورتالىق سايلاۋ كوميسسياسى قاسىم-جومارت توقايەۆتى 12 قازاندا ۇمىتكەر رەتىندە تىركەدى.
ق. توقايەۆتى قولداۋ جونىندەگى رەسپۋبليكالىق قوعامدىق شتاب وكىلدەرى ەلىمىزدىڭ بارلىق وڭىرلەرىن ارالاپ شىقتى.