مەملەكەت باسشىسى دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىندا ءسوز سويلەيدى
قازاقستان پرەزيدەنتى رەسمي ساپارمەن شۆەيساريا كونفەدەراسياسىنا كەلدى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي ءمالىم ەتتى، دەپ حابارلايدى Almaty-akshamy.kz.
«جەنيەۆادا قاسىم-جومارت توقايەۆ شۆەيساريانىڭ فەدەرالدىق پرەزيدەنتى گي پارمەلانمەن كەلىسسوز جۇرگىزەدى. ونىڭ قورىتىندىسى بويىنشا ءبىرقاتار ۇكىمەتارالىق جانە كوممەرسيالىق كەلىسىمگە قول قويىلماق. ساپار باعدارلاماسى بويىنشا مەملەكەت باسشىسى دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىندا ءسوز سويلەيدى، بۇۇ-نىڭ جانە باسقا دا ءبىرقاتار حالىقارالىق ۇيىمنىڭ باسشىلىعىمەن كەلىسسوز جۇرگىزەدى، ينۆەستيسيالىق دوڭگەلەك ۇستەلگە قاتىسادى جانە ەۋروپالىق بيزنەس كاپيتاندارىمەن كەزدەسەدى دەپ جوسپارلانىپ وتىر»، - دەپ جازدى ب.ءۋالي Facebook-تەگى پاراقشاسىنا.