قازاقستان اۋماعىندا رەسەيلىك ينۆەستيسيانىڭ قاتىسۋىمەن ىسكە اسىرىلاتىن جوبالار جەكە باقىلاۋىمدا بولادى. قازاقستان باسشىسى قاسىم-جومارت توقايەۆ رەسەيلىك ارىپتەسى ۆلاديمير پۋتينمەن وتكەن كەلىسسوزدەردەن كەيىنگى بىرلەسكەن مالىمدەمەسىندە وسىلاي دەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ءبىز وندىرىستىك كووپەراسيانى كەڭەيتۋ كەلەشەگىن ەگجەي-تەگجەيلى تالقىلادىق. بۇل باعىتتا ءبىزدىڭ ەلدەر 13 ءىرى جوبانى اياقتادى. جالپى سوماسى 2،5 ملرد دوللاردان اساتىن 8 جوبا ىسكە اسىرۋ ساتىسىندا. تاعى 11 جوبا پىسىقتالۋدا. جالپى ينۆەستيسيا كولەمى 1،5 ملرد دوللاردى قۇرايدى.
كەلىسسوزدەر بارىسىندا قۇرمەتتى ۆلاديمير ۆلاديميروۆيچكە وسى جوبالاردىڭ بارلىعى مەنىڭ جەكە باقىلاۋىمدا بولاتىنىن جانە ولار جاڭا جۇمىس ورىندارىن قۇرۋعا، ەلدەرىمىزدىڭ ونەركاسىپتىك، تەحنولوگيالىق الەۋەتىن نىعايتۋعا باعىتتالاتىنىن جەتكىزدىم»، - دەدى قاسىم-جومارت توقايەۆ.