ق ر پرەزيدەنتى قاسىم-جومارت توقايەۆ رەفەرەندۋمدا داۋىس بەرگەننەن كەيىن قازاقستاندىقتاردى ۇلكەن وزگەرىستەر كۇتىپ تۇرعانىن ايتتى، دەپ حابارلايدى almaty-akshamy.kz
«الدا ۇلكەن جۇمىس بار. بۇگىن وزگەرىستەر ەنگىزۋگە داۋىس بەرىپ جاتقان كونستيتۋسيانى ىسكە اسىرۋ كەرەك. اتاپ ايتساق، پارتيالارعا، پارلامەنتكە قاتىسى بار زاڭنامالارعا وزگەرىس ەنگىزىلمەك. پارلامەنتىمىز بۇل مىندەتتى ابىرويمەن اتقارادى دەپ ويلايمىن»، - دەدى مەملەكەت باسشىسى.
پرەزيدەنت قازاقستان حالقى داۋىس بەرىپ جاتقان تۇزەتۋلەر ەلدىڭ قوعامدىق ومىرىنە ۇلكەن وزگەرىستەر ەنگىزۋدى كوزدەيتىنىن اتاپ ءوتتى.
«تۇپتەپ كەلگەندە مەملەكەت پەن قوعامنىڭ اراسىنداعى قاتىناستىڭ پاراديگماسى وزگەرەدى، ادام قۇقىقتارى ءبىرىنشى ورىنعا شىعادى. بۇل - اسا ماڭىزدى. كونستيتۋسيادا ادام قۇقىقتارى جونىندەگى ومبۋدسمەن جاڭا مارتەبەگە يە بولادى. ومبۋدسمەن كونستيتۋسيالىق سوتقا جۇگىنە الادى. ول ورگان دا ءبىز ءۇشىن جاڭا ينستيتۋت»، - دەدى قاسىم-جومارت توقايەۆ.