مەملەكەت باسشىسى قاسىم-جومارت توقايەۆتىڭ الماتى قالاسى جۇرتشىلىعىمەن كەزدەسۋى ءوتىپ جاتىر، دەپ حابارلايدى اlmaty-akshamy.kz.
«بۇل ايماقتاردىڭ ەرەكشەلىگىن ەسكەرە وتىرىپ، الماتى اگلومەراسياسى شەڭبەرىندە وڭدەۋ ونەركاسىبىن دامىتۋ كەرەك. وسى جىلدىڭ سوڭىنا دەيىن «اگلومەراسيالاردى دامىتۋ تۋرالى» جاڭا زاڭ قابىلدانادى. بۇل زاڭ ەكى ايماقتىڭ اراسىنداعى ءوزارا تىعىز بايلانىستار ورناتۋعا نەگىز بولماق.
«الماتىنىڭ تاريحي ورتالىعى – ءومىر ءسۇرۋ ءۇشىن اسا قولايلى جەر. قاجەتتى نارسەنىڭ ءبارى جاقىن جەردە ورنالاسقان. الايدا، ورتالىقتىڭ وزىنە ءتان تۇيتكىلدەرى بار. اتاپ ايتقاندا، كوممۋنالدىق جۇيە توزىپ بارادى. عيماراتتار بىر-بىرىنە وتە تىعىز ورنالاسقان. جولداردا كەپتەلىس كوپ.
سونداي-اق، شەتكەرى اۋدانداردىڭ دامۋى تىم كەنجە قالىپ وتىر. الەۋمەتتىك نىساندار جەتىسپەيدى. جۇرت سەرۋەنگە باراتىن ساياباقتار تاپشى. نەگىزىنەن جەر ۇيلەر كوپ سالىنعان. ءتىپتى، قىس ايلارىندا قارا ءتۇتىن قاپتايدى. ازاماتتاردىڭ دەمالىسىن پايدالى وتكىزەتىن قوعامدىق ورىندار از. كولىك جانە ينجەنەرلىك ينفراقۇرىلىم دا جەتكىلىكسىز.
اكىمدىكتىڭ باستى مىندەتىنىڭ ءبىرى – ورتالىق پەن شەتتەگى اۋدانداردىڭ اراسىندا پايدا بولعان وسى تەڭسىزدىكتى جويۋ. قالا – بارىنە ورتاق. سوندىقتان قالانىڭ يگىلىكتەرى دە بارلىق تۇرعىندارعا بىردەي قولجەتىمدى بولۋى ءتيىس»