مەملەكەت باسشىسىنىڭ وسى اپتاداعى جۇمىس كەستەسى جاريالاندى.
پرەزيدەنتتىڭ باسپا ءسوز قىزمەتى اتاپ وتكەندەي، 16 ماۋسىم كۇنى مەملەكەت باسشىسى قاسىم-جومارت توقايەۆ جاڭادان قۇرىلعان ۇلىتاۋ وبلىسىنىڭ ورتالىعىندا وتەتىن ۇلتتىق قۇرىلتايدىڭ ءبىرىنشى وتىرىسىنا قاتىسادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
17 ماۋسىمدا قاسىم-جومارت توقايەۆ رەسەي پرەزيدەنتى ۆلاديمير ءپۋتيننىڭ شاقىرۋىمەن پەتەربور حالىقارالىق ەكونوميكالىق فورۋمىنىڭ 25ء-شى مەرەيتويلىق جيىنىنا قاتىسادى. مەملەكەت باسشىسى فورۋمنىڭ پلەنارلىق وتىرىسىنا قاتىسىپ، ءبىرقاتار ەكىجاقتى كەزدەسۋ وتكىزەدى دەپ جوسپارلانعان.
19 ماۋسىمدا قازاقستان پرەزيدەنتى يران يسلام رەسپۋبليكاسىنىڭ پرەزيدەنتى يبراحيم ءرايسيدىڭ شاقىرۋىمەن يرانعا رەسمي ساپارمەن بارادى. تەگەراندا جوعارى دەڭگەيدە ەكىجاقتى كەزدەسۋلەر وتكىزۋ جانە ءبىرقاتار ۇكىمەتارالىق قۇجاتقا قول قويۋ جوسپارلانىپ وتىر.