"مەن قارا جامىلعان وتباسىلاردىڭ قايعىسىنا ورتاقتاسىپ، تاعى دا كوڭىل ايتامىن. ءبىز مۇنداي جاعداي ەندى ەشقاشان قايتالانباۋى ءۇشىن ءبارىن جاسايمىز". بۇل تۋرالى ق ر پرەزيدەنتى قاسىم-جومارت توقايەۆ قازاقستان حالقىنا جولداۋىندا ايتتى، دەپ حابارلايدى اlmaty-akshamy.kz
«كەشەگى قاتەرلى كۇندەردە مەملەكەت باسشىسى رەتىندە حالىققا ارناپ بىرنەشە ۇندەۋ جاسادىم. بارلىق جاعدايدا ازاماتتارىمىزعا جان-جاقتى ءتۇسىندىرىپ جەتكىزدىم. ءاربىر شەشىمدى ەلىمىزدىڭ مۇددەسىنە ساي قابىلدادىم. بۇل - مەن ءۇشىن بۇلجىماس ۇستانىم»، - دەدى مەملەكەت باسشىسى.
ق ر پرەزيدەنتى وكىنىشكە قاراي بۇلىكشىلەردىڭ، قاراقشىلاردىڭ، لاڭكەستەردىڭ كەسىرىنەن قانشا ازاماتىمىز قازا بولعانىن ايتتى.
«مەن قارا جامىلعان وتباسىلاردىڭ قايعىسىنا ورتاقتاسىپ، تاعى دا كوڭىل ايتامىن. ءبىز مۇنداي جاعداي ەندى ەشقاشان قايتالانباۋى ءۇشىن ءبارىن جاسايمىز. قازاقتا «وتكەن كۇننەن الىس جوق، كەلەر كۇننەن جاقىن جوق» دەگەن ءسوز بار. ءبىزدىڭ پارىزىمىز - قاندى قىلمىس جاسالعانىن ۇمىتپاي، بارلىق سودىرلار مەن لاڭكەستەردى جازاعا تارتۋ. حالقىمىز وسى وقيعادان ساباق الا ءبىلۋى كەرەك. ەلدىڭ تىنىشتىعىن بۇزىپ، قاۋىپسىزدىگىنە نۇقسان كەلتىرەتىن ارەكەتكە ەشقاشان جول بەرمەۋگە ءتيىسپىز»، - دەدى قاسىم-جومارت توقايەۆ.