پرەزيدەنت قاي گازەتتەردى وقيتىنىن ايتتى
مەرزىمدى ءباسپاسوزدى ۇزبەي قارايمىن. بۇل تۋرالى «QAZAQSTAN» ۇلتتىق تەلەارناسىنداعى سۇحباتى كەزىندە مەملەكەت باسشىسى قاسىم-جومارت توقايەۆ ءمالىم ەتتى، دەپ حابارلايدى اlmaty-akshamy.kz
سۇحبات بارىسىندا ءتىلشى پرەزيدەنتتەن كۇندەلىكتى قانداي اقپارات كوزدەرىن پايدالاناتىنىن سۇرادى.
مەملەكەت باسشىسى مەرزىمدى ءباسپاسوزدى ۇزبەي قارايتىنىن ايتتى.
«بۇل – مەنىڭ بۇرىننان قالىپتاسقان داعدىم. «ەگەمەن قازاقستان»، «ايقىن»، «استانا اقشامى» گازەتتەرىن وقيمىن. «انا ءتىلى»، «قازاق ادەبيەتى»، «جاس قازاق»، «تۇركىستان» گازەتتەرىن دە مىندەتتى تۇردە وقىپ تۇرامىن. جالپى، مەن كوپ وقيتىن اداممىن. جاقسى ماقالا نەمەسە سۇحبات كورسەم، استىن سىزىپ وقۋعا تىرىسامىن. وزەكتى ماسەلە بايقاسام، وعان قاتىستى ناقتى تاپسىرما بەرەمىن. الەۋمەتتىك جەلىدەگى وتكىر جازبالاردى دا ۇنەمى شولىپ وتىرامىن. ال، تەلەديداردان جاڭالىقتار مەن ساراپتامالىق باعدارلامالاردى كورەمىن»، - دەدى قاسىم-جومارت توقايەۆ.