كونستيتۋسيالىق رەفورما جاڭا، ادىلەتتى قازاقستاندى قۇرۋ جولىنداعى اسا ماڭىزدى قادام بولدى. بۇل جايىندا ق ر پرەزيدەنتى قاسىم-جومارت توقايەۆ قازاقستان حالقىنا جولداۋىندا ايتتى، دەپ حابارلايدى اlmaty-akshamy.kz.
ءبىز بيىل جاڭا كەزەڭگە قادام باستىق. حالقىمىز جالپىۇلتتىق رەفەرەندۋمدا ساياسي جاڭعىرۋ باعدارىن قولدادى. كونستيتۋسيالىق رەفورما جاڭا، ادىلەتتى قازاقستاندى قۇرۋ جولىنداعى اسا ماڭىزدى قادام بولدى. ەلىمىزدەگى ساياسي جاڭعىرۋ ەندى ەكونوميكالىق وزگەرىستەرگە ۇلاسۋى ءتيىس. ءبىز «ازامات – بيزنەس – مەملەكەت» اراسىنداعى قاتىناستى تۇبەگەيلى وزگەرتەمىز. مەملەكەت، ەڭ الدىمەن، بارىنە بىردەي مۇمكىندىك بەرىپ، ادىلدىك ورناتادى. قوعام يگىلىگىنە ارنالعان قىزمەت دەڭگەيى جوعارى بولۋىنا كەپىلدىك بەرەدى»، - دەپ اتاپ ءوتتى مەملەكەت باسشىسى.
ق ر پرەزيدەنتىنىڭ اتاپ وتۋىنشە، الەۋمەتتىك جاعىنان ءالسىز توپتاعى ازاماتتارعا قولداۋ كورسەتىلەدى.
«مۇمكىندىگى شەكتەۋلى جاندارعا دا كومەكتەسەمىز. پرەزيدەنت جانىنداعى ومبۋدسمەن تاعايىندالادى. مەملەكەت ەكونوميكالىق ەركىندىكتى قولدايدى. ءبىراق، حالىقتى نارىق تۇراقسىزدىعى ىقپالىنان بارىنشا قورعايدى. شاعىن جانە ورتا بيزنەستى مەيلىنشە دامىتادى»، - دەپ اتاپ ءوتتى قاسىم-جومارت توقايەۆ.