مەملەكەت باسشىسى ق ر پرەزيدەنتىن ۇلىقتاۋ راسىمىندە قازىرگى بۋىننىڭ بولاشاق ۇرپاق الدىنداعى بورىشى قانداي ەكەنى تۋرالى پايىمىن ايتتى، حابارلايدى almaty-akshamy.kz قازاقپاراتقا سىلتەمە جاساپ.
«تاۋەلسىز ەلىمىزدى قۋاتتى مەملەكەت رەتىندە ۇرپاققا اماناتتاۋ – ءبىزدىڭ بورىشىمىز. الدا تالاي سىناقتار، كۇردەلى كەزەڭدەر بولۋى مۇمكىن. دەگەنمەن ىرىستى ىنتىماعىمىزدى ساقتاي بىلسەك، الىنبايتىن اسۋ جوق»، - دەدى قاسىم-جومارت توقايەۆ.
سونداي-اق، مەملەكەت باسشىسى مەككەگە بارعان ساپارىن ەسكە الدى.
«مەن بۇگىن حالقىمنىڭ الدىندا تۇرىپ، باستاعان ءىسىمىز بەرەكەلى بولسىن دەپ تىلەيمىن. قازاق – ىرىمشىل حالىق. مەن بيىل قاسيەتتى مەككەگە بارعان كەزدە قاعبا تورىندە اتا-بابا رۋحىنا قۇران باعىشتاپ، اللادان ءبىر-اق نارسە سۇرادىم. ول – ەلدىڭ اماندىعى»، - دەدى پرەزيدەنت.