پرەزيدەنت قاسىم-جومارت توقايەۆ «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ سالتاناتىندا سويلەگەن سوزىندە ميكرو جانە شاعىن بيزنەستى تەكسەرۋگە جاريالانعان موراتوريي تاعى ءبىر جىلعا نە ءۇشىن ۇزارتىلعانىن ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«كاسىپكەرلەرگە قارسى قوزعالعان ءاربىر التىنشى ءىس، بۇل 312 ءىستىڭ 59-ى دەگەن ءسوز، قىلمىستىق زاڭسىزدىقتىڭ بولماۋىنا بايلانىستى توقتاتىلدى. بيىلدان باستاپ ازاماتتىق ءتارتىپتى شاعىمدانۋدىڭ بۇكىل جولدارى تۇگەسىلگەنشە قىلمىستىق ءىس قوزعاۋعا تىيىم ەنگىزىلدى»، - دەدى قاسىم-جومارت توقايەۆ.
سونداي-اق، مەملەكەت باسشىسى كاسىپكەرلەردى قورعاۋدىڭ جۇيەلى تەتىكتەرى ەنگىزىلە بەرەتىنىن اتاپ ءوتتى.
«وتكەن جىلداردىڭ جاعىمدى قورىتىندىسىنا سۇيەنە وتىرىپ، مەن ميكرو جانە شاعىن بيزنەستى تەكسەرۋگە جاريالانعان ءموراتورييدى تاعى ءبىر جىلعا ۇزارتۋ تۋرالى شەشىم قابىلدادىم. ءتيىستى جارلىققا قول قويىلدى. ءبىز كاسىپكەرلەردى قورعاۋدىڭ جۇيەلى مەحانيزمدەرىن ەنگىزۋدى ءسوزسىز جالعاستىرامىز»، - دەدى پرەزيدەنت.