قاسىم-جومارت توقايەۆ بيىل 13-15 قىركۇيەكتە ەلوردامىزدا الەمدىك جانە ءداستۇرلى دىندەر كوشباسشىلارىنىڭ جەتىنشى سەزى وتەتىنىنە توقتالىپ، بىرىككەن ۇلتتار ۇيىمىنىڭ قولداۋىنا العىسىن ءبىلدىردى، دەپ حابارلايدى Almaty-akshamy.kz.
قاسىم-جومارت توقايەۆ ابدۋللا شاحيدكە ءىلتيپات بىلدىرە وتىرىپ، قازاقستان مەن بۇۇ اراسىنداعى ىقپالداستىقتى ودان ءارى كەڭەيتۋ جولىندا ونىڭ بۇل ساپارىنىڭ ماڭىزدى ەكەنىن اتاپ ءوتتى.
پرەزيدەنت جاھاندىق بەيبىتشىلىكتى، قاۋىپسىزدىك جانە تۇراقتى دامۋدى قامتاماسىز ەتۋدەگى دۇنيەجۇزىلىك ۇيىمنىڭ ايرىقشا ءرولىن اتاپ ءوتتى. سونىمەن قاتار ابدۋللا ءشاحيدتىڭ بۇۇ باس اسسامبلەياسىنىڭ ءتوراعاسى لاۋازىمىنداعى بەلسەندى قىزمەتىن جوعارى باعالادى.
«بۇۇ باس اسسامبلەياسىنىڭ 77-سەسسياسى – بارشا ادامزات ءۇشىن ەڭ قاجەتتى شەشىمدەردى ۇسىنۋ ماقساتىمەن باسشىلاردىڭ سىندارلى جاعدايدا باس قوسۋى ءۇشىن بىرەگەي مۇمكىندىك. ءبىز وسى ماڭىزدى ءىس-شارانى ناتيجەلى وتكىزۋ ءۇشىن ءسىزدىڭ قوسىپ وتىرعان ۇلەسىڭىزدى قۇرمەتتەيمىز»، – دەدى مەملەكەت باسشىسى.
ءوز كەزەگىندە بۇۇ باس اسسامبلەياسىنىڭ 76-سەسسياسىنىڭ ءتوراعاسى ەلىمىزگە، ورتالىق ازياعا العاش رەت كەلگەنىن ايتىپ، قازاقستان مەن بۇۇ اراسىنداعى 30 جىلدىق كەزەڭدەگى كوپجوسپارلى ارىپتەستىكتىڭ دەڭگەيىنە كوڭىلى تولاتىنىن جەتكىزدى. سونداي-اق قازاقستان پرەزيدەنتىنىڭ باستاماسىمەن ەلىمىزدە جۇزەگە اسىرىلىپ وتىرعان اۋقىمدى رەفورمالاردى، كونستيتۋسياعا وزگەرىستەر ەنگىزۋ بويىنشا وتكەن رەفەرەندۋمدى جوعارى باعالادى.
قاسىم-جومارت توقايەۆ بيىل 13-15 قىركۇيەكتە ەلوردامىزدا الەمدىك جانە ءداستۇرلى دىندەر كوشباسشىلارىنىڭ جەتىنشى سەزى وتەتىنىنە توقتالىپ، بىرىككەن ۇلتتار ۇيىمىنىڭ قولداۋىنا العىسىن ءبىلدىردى.
ابدۋللا شاحيد الەمدىك جانە ءداستۇرلى دىندەر كوشباسشىلارىنىڭ جيىنىن ماڭىزدى الاڭ دەپ اتاپ، سەزدىڭ مارتەبەسىن جوعارى باعالادى. ونىڭ ايتۋىنشا، الەم ەلدەرىندە كوپ جاعدايدا تۇسىنبەستىك ادامداردىڭ نانىم-سەنىمىنە قاراي كەمسىتۋىنەن تۋىنداپ جاتادى. سوندىقتان بۇۇ باس اسسامبلەياسىنىڭ ءتوراعاسى ءدىني كوشباسشىلاردىڭ جەتىنشى سەزىندە رۋحاني جەتەكشىلەردىڭ الەمدىك بەيبىتشىلىكتى ناسيحاتتاۋى نەگىزگى مەسسەدج بولاتىنىنا سەنەتىنىن جەتكىزدى.