مەملەكەت باسشىسى حالىقارالىق دزيۋدو فەدەراسياسىنىڭ پرەزيدەنتى ماريۋس ۆيزەرمەن كەزدەستى.
IJF باسشىسىمەن اڭگىمەلەسۋ بارىسىندا وسى تانىمال سپورت ءتۇرىن ەلىمىزدە دامىتۋ پەرسپەكتيۆاسى تالقىلاندى، دەپ حابارلايدى aqshamnews.kz قتۋريزم جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
ماريۋس ۆيزەر قازاقستان دزيۋدونى قولداۋعا ارنالعان دايەكتى شارالاردى جۇزەگە اسىرىپ جاتقانىن اتاپ ءوتتى. سونىمەن قاتار سپورتشىلارىمىزدىڭ حالىقارالىق جارىستارداعى ناتيجەلەرىنە جانە قازاقستان دزيۋدو فەدەراسياسىنىڭ جۇمىسىنا جوعارى باعا بەردى.
مەملەكەت باسشىسى تاراپتاردىڭ مادەني-گۋمانيتارلىق بايلانىستى ناقتى ءىس-شارالار ارقىلى كۇشەيتۋ جونىندە ۋاعدالاسقانىن جەتكىزدى.
– بيىل استانادا وتكەن دۇنيەجۇزىلىك كوشپەندىلەر ويىندارىنا ماجار قۇراما كومانداسى بەلسەنە قاتىستى. قولداۋلارىڭىزعا راقمەت ايتامىن. مۇنداي ءىس-شارالار وركەنيەتىمىزدىڭ، تاريحىمىزدىڭ تامىرى ورتاق ەكەنىن كورسەتەدى. باۋىرلاس حالىقتاردى جاقىنداتا تۇسەدى. ماجار ۇكىمەتىنىڭ قولداۋىمەن سوڭعى 10 جىلدا قازاقستان ستۋدەنتتەرىنە وقۋ گرانتتارى ءبولىنىپ جاتىر. سونىڭ ناتيجەسىندە بىرنەشە مىڭ جاستارىمىز ماجارستاننىڭ جوعارى وقۋ ورىندارىندا ءبىلىم الدى، – دەدى پرەزيدەنت.
قاسىم-جومارت توقايەۆ ءسوزىن قورىتىندىلاي كەلە، ەكى ەلدىڭ كوپجاقتى ىنتىماقتاستىعى بىرىككەن ۇلتتار ۇيىمى، تۇركى مەملەكەتتەرى ۇيىمى، ەۋروپاداعى قاۋىپسىزدىك جانە ىنتىماقتاستىق ۇيىمى سياقتى قۇرىلىمدار اياسىندا تابىستى دامىپ كەلە جاتقانىنا نازار اۋداردى. اسىرەسە، ماجارستان پرەمەر-مينيسترى ۆيكتور ورباننىڭ تۇركى مەملەكەتتەرى ۇيىمىنىڭ جۇمىسىنا بەلسەنە اتسالىسىپ، تۇركى ينتەگراسياسىنىڭ ءورىسىن كەڭەيتۋگە ەلەۋلى ۇلەس قوسىپ جۇرگەنىن ەرەكشە باعالايتىنىن جەتكىزدى.