ۇكىمەت اگروونەركاسىپ سالاسىن سۋبسيديالاۋدىڭ ۇزاق مەرزىمگە ارنالعان جاڭا تاسىلدەرىن ازىرلەۋگە ءتيىس. بۇل جايىندا ق ر پرەزيدەنتى قاسىم-جومارت توقايەۆ قازاقستان حالقىنا جولداۋىندا ايتتى، دەپ حابارلايدى اlmaty-akshamy.kz.
«ەلىمىزدىڭ اۋىل شارۋاشىلىعى ونىمدەرىنىڭ كولەمىن جانە ونىڭ قوسىمشا قۇنىن ارتتىرۋ قاجەت. بۇل – ستراتەگيالىق مىندەت. ءقازىر تەك بيداي مەن مال ساتىپ وتىراتىن زامان ەمەس. ۇكىمەت اگروونەركاسىپ سالاسىن سۋبسيديالاۋدىڭ ۇزاق مەرزىمگە ارنالعان جاڭا تاسىلدەرىن ازىرلەۋگە ءتيىس. بيۋدجەت قاراجاتىنىڭ قايتارىمى بولۋى كەرەك. مەملەكەت قارجىنى وڭدى-سولدى شاشىپ، ىسىراپ ەتۋگە جول بەرمەيدى. سۋبسيديا بولۋگە جانە ونىڭ جۇمسالۋىنا جۇرگىزىلەتىن باقىلاۋدى كۇشەيتۋ كەرەك»، - دەپ اتاپ ءوتتى مەملەكەت باسشىسى.
ق ر پرەزيدەنتىنىڭ اتاپ وتۋىنشە، شارۋالاردىڭ ءوزارا ۇجىمداسۋى اۋىل شارۋاشىلىعىن دامىتۋعا جول اشادى.
«ءبىز وسىنداي پيلوتتىق جوبانى جۇزەگە اسىردىق. وعان قاتىسقان اۋىل شارۋاشىلىعى كووپەراتيۆتەرىنىڭ ەگىنى ەكى ەسە ارتىپ، ءونىم بەرگەن. ال مال باسى شامامەن 25 پايىزعا كوبەيگەن. ءار ءوڭىردىڭ ەرەكشەلىگىن ەسكەرە وتىرىپ، وڭ تاجىريبەنى بۇكىل وڭىرگە بىرتىندەپ تاراتۋ قاجەت. بۇل سالادا وزىق تەحنولوگيالار تاپشى»، - دەپ اتاپ ءوتتى قاسىم-جومارت توقايەۆ.