مەملەكەت باسشىسى قاسىم-جومارت توقايەۆ ەلىمىزدەگى ازىق-تۇلىكتىڭ باعاسىنىڭ نەگىزسىز ءوسۋىن سىنعا الدى، دەپ حابارلايدى almaty-akshamy.kz.
«قازاقستاننىڭ اگرارلىق الەۋەتى تۋرالى كوپ ايتىلادى. دەگەنمەن اوك سالاسىندا ماسەلە از ەمەس. الدىمەن ول - باعانىڭ ءجونسىز ءوسۋى مەن تاۋار ونەركاسىبى جۇمىسىن دۇرىس ۇلەستىرۋ. مەن بۇعان دەيىن ەلىمىزدە كوتەرمە ۇيلەستىرۋ جەلىسىن قۇرۋدىڭ ماڭىزدىلىعى تۋرالى ايتقان بولاتىنمىن. بۇل مىندەت جۇزەگە اسۋ دەڭگەيىندە تۇر. ۇساق اۋىل شارۋاشىلىق تاۋار ءوندىرۋدى سول جەلىمەن قامتاماسىز ەتۋ كەرەك. سول ارقىلى اۋىل شارۋاشىلىعى تاۋار وندىرۋشىلەردىڭ ءوز شارۋاشىلىعى بولادى. بۇل سالادا مونوپولياعا جول جوق»، - دەدى قاسىم-جومارت توقايەۆ.
سونداي-اق، مەملەكەت باسشىسى تاۋار وندىرۋشىلەر باعا تۇراقتىلىعىن ساقتاۋ ءۇشىن، ولارعا ارنالعان ءبىرىڭعاي باقىلاۋدىڭ كەرەكتىگىن ايتتى.
«جاۋاپكەرشىلىكتى اۋماعىن شەكتەپ، ءبىر عانا نەگىزگى ورگاندى بەلگىلەىپ، ول ناقتى رەگلامەنتپەن بەكىتىلۋى ءتيىس. ءقازىر بۇل سۇراققا بىرنەشە ورگان جاۋاپتى. باعا وسكەن ساتتە ولار تالداۋ جاساپ، ءتيىستى شارالاردى قابىلداۋدىڭ ورنىنا بىر-بىرىنە سىلتەپ وتىرادى. باعانى رەتتەۋ ماسەلەسىن جونگە كەلتىرۋ كەرەك. بۇل رەتتە ۇكىمەت ءبىر ايدىڭ ىشىندە شەشىم قابىلداۋى ءتيىس»، - دەدى مەملەكەت باسشىسى.