مەملەكەت باسشىسى تۇرىك جۇرتىنا قۇرمەتىن ءبىلدىردى
قاسىم-جومارت توقايەۆتىڭ تۇركيا رەسپۋبليكاسىنا مەملەكەتتىك ساپارى تۇركيانىڭ نەگىزىن قالاۋشى ءارى تۇڭعىش پرەزيدەنتى مۇستافا كەمال اتاتۇرىكتىڭ رۋحىنا تاعزىم ەتۋدەن باستالدى، دەپ حابارلايدى Almaty-akshamy.kz Akorda.kz-كە سىلتەمە جاساپ.
ءانىتقابىر كەسەنەسىن ارالاپ كورگەن مەملەكەت باسشىسى قۇرمەتتى قوناقتار كىتابىنا قولتاڭبا قالدىردى. وندا قاسىم-جومارت توقايەۆ تامىرلاس تۇرىك جۇرتىنا زور قۇرمەتىن ءبىلدىرىپ، قازاقستان مەن تۇركيا اراسىنداعى دوستىقتىڭ ماڭگى بولۋىن، ەكى ەل ىنتىماقتاستىعىنىڭ ارتا بەرۋىن جانە باۋىرلاس تۇرىك حالقىنا باق-بەرەكە تىلەدى.
گۇل شوعىن قويۋ سالتاناتتى راسىمىنە قازاقستاننىڭ رەسمي دەلەگاسياسىنىڭ مۇشەلەرى دە قاتىستى.