پرەزيدەنت قازاقستان حالقىن الدا كەلە جاتقان قوس مەرەكەمەن قۇتتىقتادى.
قازاقستان حالقى اسسامبلەياسىنىڭ كەزەكتى وتىز ءبىرىنشى سەسسياسىندا پرەزيدەنت قاسىم-جومارت توقايەۆ وسىلاي دەدى، دەپ حابارلايدى Almaty-akshamy.kz
«ءار ازاماتقا بىردەي مۇمكىندىك بەرەتىن ءادىل ءارى دامىعان مەملەكەت بولامىز! ءسوز سوڭىندا سىزدەردى الدا كەلە جاتقان قازاقستان حالقىنىڭ بىرلىگى كۇنىمەن جانە ورازا ايت مەرەكەسىمەن قۇتتىقتايمىن»، - دەدى مەملەكەت باسشىسى.
سونىمەن بىرگە، مەملەكەت باسشىسى الدا ەكىنشى رەسپۋبليكانى قۇرۋ مىندەتى تۇرعانىن ايتتى.
«ءبىز بارلىق جوسپارىمىزدى مىندەتتى تۇردە جۇزەگە اسىرامىز. مەن بۇعان كامىل سەنەمىن. ءبىز ەكىنشى رەسپۋبليكانى بىرگە قۇرامىز، جاڭا قازاقستاندى بىرگە وركەندەتەمىز!» - دەدى پرەزيدەنت قاسىم-جومارت توقايەۆ.