الماتىدا ەلىمىز ءۇشىن ەڭ ماڭىزدى شەشىمدەر مەن قۇجاتتار قابىلداندى. وسى جەردە ەگەمەندىك دەكلاراسياسىنا قول قويىلدى، تاۋەلسىزدىگىمىز جاريالاندى. ەلىمىزدىڭ بولاشاعىن ايقىنداعان باسقا دا كوپتەگەن تاعدىرلى وقيعالار ءوتتى.
الماتى – ەلىمىزدىڭ ىسكەرلىك، رۋحاني، عىلىمي جانە تۋريستىك ورتالىعى. سوندىقتان مەن قالانىڭ دامۋىنا، ونىڭ تىرشىلىككە قولايلى، جايلى بولۋىنا ايرىقشا ءمان بەرەمىن».
سونىمەن قاتار پرەزيدەنت الماتىنىڭ قاسىرەتتى قاڭتاردان كەيىن تولىعىمەن قالپىنا كەلتىرىلگەنىن جەتكىزدى.
«الماتى – ەلىمىزدىڭ ەكونوميكالىق دامۋىنىڭ قوزعاۋشى كۇشى جانە كوشباسشىسى. بۇل قالا جالپى ىشكى ءونىمنىڭ بەستەن ءبىرىن، ياعني بيۋدجەتتىك كىرىستىڭ 25 پايىزدان استامىن جانە ساۋدا-ساتتىقتىڭ ۇشتەن ءبىرىن قامتاماسىز ەتەدى. بۇگىنگى تاڭدا الماتى قاسىرەتتى قاڭتاردان كەيىن تولىعىمەن قالپىنا كەلتىرىلدى، قالا ەكونوميكاسى تۇراقتى تۇردە دامۋدا»، - دەدى مەملەكەت باسشىسى.