«قازاقستان رەسپۋبليكاسىنىڭ سايلانعان پرەزيدەنتى قاسىم-جومارت توقايەۆتىڭ انت بەرۋ كۇنى 2022 جىلعى 26 قاراشا بولىپ ايقىندالدى»، - دەدى ق ر ورتالىق سايلاۋ كوميسسياسىنىڭ وتىرىسىندا كوميسسيا ءتوراعاسى نۇرلان ءابدىروۆ.
ايتا كەتەيىك، 20 قاراشادا ەلىمىزدە كەزەكتەن تىس پرەزيدەنت سايلاۋى ءوتتى. بارلىق وڭىردە 10 033 ۋچاسكە جۇمىس ىستەدى. ال شەت مەملەكەتتەردەگى قازاقستان وكىلدىكتەرى جانىندا 68 ۋچاسكە قۇرىلعان. ەلىمىزدەگى بۇكىل سايلاۋشىلاردىڭ 69 پايىزى نەمەسە 8 ملن 282 مىڭنان استام ادام ءوز تاڭداۋىن جاسادى.
20 قاراشادا وتكەن كەزەكتەن تىس سايلاۋ بارىسىندا قاسىم-جومارت توقايەۆقا 6 ملن 456 مىڭ 392 سايلاۋشى نەمەسە ولاردىڭ 81،31 پايىزى داۋىس بەردى.
سوندىقتان بۇگىن ورتالىق سايلاۋ كوميسسياسىنىڭ وتىرىسىندا حالىق سايلاعان قاسىم-جومارت كەمەل ۇلى توقايەۆتى قازاقستان رەسپۋبليكاسىنىڭ پرەزيدەنتى رەتىندە تىركەدى جانە زاڭنامادا بەلگىلەنگەن تارتىپپەن سايلانعان مەملەكەت باسشىسىنا ءتيىستى كۋالىك تاپسىرىلاتىن بولادى.