الماتى وبلىسىندا جەكە ۇيلەردىڭ بىرىنەن پىشاق جاراقاتىن العان ەكى ەر ادامنىڭ دەنەسى تابىلدى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«26 ماۋسىم كۇنى ساعات 00:50-دە قاراساي اۋداندىق پوليسيا بولىمىنە 1979 جىلى تۋعان ازامات س.-دان قاسكەلەڭ قالاسىنداعى جەكە ۇيلەردىڭ بىرىنەن پىشاق جاراقاتتارىمەن ەكى ەر ادامنىڭ ءمايىتى تابىلعانى تۋرالى حابارلاما ءتۇستى. اتالعان دەرەك ق ر قىلمىستىق كودەكسىنىڭ 99-بابى 2-بولىگى 1-تارماعى بويىنشا اۋداندىق ىشكى ىستەر باسقارماسىندا تىركەلدى. سوت-مەديسينالىق ساراپتاما تاعايىندالىپ، سوتالدى تەرگەۋ باستالدى»، – دەپ جازدى الماتى وبلىسىنىڭ پوليسيا دەپارتامەنتىنىڭ باستىعى باۋىرجان الەنوۆ ءوزىنىڭ Instagram-داعى پاراقشاسىندا.
پوليسەيلەر قازا تاپقانداردىڭ 1989 جانە 1996 جىلى تۋعان تاجىكستان ازاماتتارى ەكەنىن انىقتادى. قىلمىس جاسادى دەگەن كۇدىكپەن سول رەسپۋبليكانىڭ 1980 جىلى تۋعان ازاماتى ۇستالدى. ءقازىر ول ۋاقىتشا ۇستاۋ يزولياتورىنا قامالدى. تەرگەۋ مۇددەسىندەگى باسقا اقپارات جاريا ەتىلمەيدى.