الماتى وبلىسى قاراساي اۋدانى قاسكەلەڭ وزەنىندە سەل ءجۇردى.
سۋ اعىنىنىڭ ۆيدەوسىن قاسكەلەڭ تۇرعىندارى ۆيدەوعا ءتۇسىرىپ العاندەپ حابارلايدى اlmaty-akshamy.kz
الماتى وبلىسىنىڭ توتەنشە جاعدايلار دەپارتامەنتى 21 اقپان كۇنى ساعات 18:45-تە قاراساي اۋدانى قاسكەلەڭ قالاسىندا مۇزدى سۋ تاسقىنى ءجۇرىپ وتكەنىن حابارلادى.
سەل قاسكەلەڭ وزەنى ارناسىنىڭ بويىمەن «جەرانا» ورتالىق بازارىنان تومەن قاراي ابىلاي حان كوشەسىنىڭ بويىنداعى كوپىر وتكەلىنە دەيىن بايقالعان.
«وزەن ارناسىنداعى سەل كەزىندە سۋ اعىنى شامامەن سەكۋندىنا 10 تەكشە مەتر بولدى (ەڭ جوعارى مەجە — سەكۋندىنا 30 تەكشە مەتر)، سۋدىڭ لايلانۋى — 2 بالل. زارداپ شەككەندەر جوق، ۇيلەردى سۋ باسپادى، سۋ وزەن ارناسىنان اسقان جوق»، — دەپ حابارلادى توتەنشە جاعدايلار قىزمەتىنىڭ باسپا ءسوز قىزمەتى.
سەل ءجۇرىپ وتكەننەن كەيىن ساعات 20:00–دە وزەندەگى سۋ شىعىنى — سەكۋندىنا 2،5 تەكشە مەتر بولدى، سۋ لاي ەمەس.
وزەن ارقىلى سۋ اعىنى قالىپتى جاعدايدا ءجۇرىپ جاتىر.
قازسەلدەنقورعاۋ گيدروبەكەتى تاۋلىك بويى مونيتورينگ جۇرگىزەدى. جاعداي ءبىرقالىپتى.