ۇكىمەت ءتيىستى قاۋلىنى قابىلدادى.
«GPC Investment» ج ش س كومپانياسى رەسپۋبليكالىق مەنشىككە بەرىلەدى. قازاقستان ۇكىمەتى ءتيىستى قاۋلىنى قابىلدادى، دەپ حابارلايدى Almaty-akshamy.kz Inbusinnes.kz سىلتەمە جاساپ.
«GPC Investment» ج ش س جارعىلىق كاپيتالىنا قاتىسۋ ۇلەستەرىنىڭ 100 پايىزىن سىيعا تارتۋ شارتى بويىنشا رەسپۋبليكالىق مەنشىككە بەرۋ تۋرالى «Tau Bereke Group» جشس-نىڭ ۇسىنىسى قابىلدانسىن»، – دەلىنگەن قاۋلى ماتىنىندە.
ايتا كەتۋ كەرەك، «GPC Investment» كومپانياسى – «قاشاعان كەن ورنى شيكىزاتىنىڭ بازاسىندا قۋاتى 1،15 ملرد م3 گاز وڭدەۋ زاۋىتىن سالۋ» جوباسىنىڭ وپەراتورى.
جەكە ينۆەستوردىڭ جوبانى ىسكە اسىرۋدى جالعاستىرۋدان باس تارتۋىنا بايلانىستى «GPC Investment» كومپانياسى «QazaqGaz» ۇك» اق بالانسىنا بەرىلەدى.
ءوز كەزەگىندە، بۇل ىشكى نارىقتى باعاسى قولجەتىمدى تاۋارلىق جانە سۇيىتىلعان گازبەن قامتاماسىز ەتۋدى ارتتىرۋعا، سونداي-اق زاۋىت قۇرىلىسىنىڭ جوباسىن ۋاقىتىلى جۇزەگە اسىرۋعا مۇمكىندىك بەرەدى.