ءتىزىمنىڭ وزگەرۋىنە سەبەپ – ق ر دەنساۋلىق ساقتاۋ ءمينيسترىنىڭ بۇيرىعى.
قازاقستان رەسپۋبليكاسى قورعانىس مينيسترلىگى باسپا ءسوز قىزمەتىنىڭ حابارلاۋىنشا، قارۋلى كۇشتەردە پايدالانىلاتىن دارىلىك زاتتار تىزبەسىنەن قازاقستاندىق ۇلتتىق دارىلىك فورمۋليارىندا كورسەتىلگەندەر الىنىپ تاستالدى، دەپ حابارلايدى Almaty-akshamy.kz
قورعانىس مينيسترلىگى «مەديسينالىق كومەك كورسەتۋ كەزىندە قازاقستان رەسپۋبليكاسىنىڭ قارۋلى كۇشتەرىندە پايدالانىلاتىن قازاقستان رەسپۋبليكاسىندا تىركەلگەن جانە اسكەري-مەديسينالىق مەكەمەلەردىڭ (ۇيىمداردىڭ) دارىلىك فورمۋليارىنا ەنگىزىلمەگەن دارىلىك زاتتار تىزبەسىن بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2020 جىلعى 9 قاراشاداعى №612 بۇيرىعىنا وزگەرىستەر مەن تولىقتىرۋلار ەنگىزۋ تۋرالى» بۇيرىق جوباسىن ازىرلەدى.
وزگەرىستەر مەن تولىقتىرۋلار «قازاقستاندىق ۇلتتىق دارىلىك فورمۋليارىن بەكىتۋ تۋرالى» ق ر دەنساۋلىق ساقتاۋ ءمينيسترىنىڭ 2021 جىلعى 18 مامىرداعى № ق ر دسم – 41 بۇيرىعىنا سايكەس ەنگىزىلەدى.
كلينيكالىق قاۋىپسىزدىگى مەن تيىمدىلىگى دالەلدەنگەن دارىلىك زاتتاردىڭ، سونداي-اق سيرەك كەزدەسەتىن دارىلىك پرەپاراتتاردىڭ جاڭارتىلعان تىزبەسى مەديسينالىق ۇيىمداردىڭ دارىلىك فورمۋليارلارىن ازىرلەۋ جانە تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە، سونداي-اق مىندەتتى الەۋمەتتىك مەديسينالىق ساقتاندىرۋ جۇيەسىندە ساتىپ الۋ تىزىمدەرىن قالىپتاستىرۋ ءۇشىن مىندەتتى نەگىز بولىپ تابىلادى.
جاڭا رەداكسيادا قۇجاتقا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» ق ر كودەكسى 195-بابىنىڭ 3) تارماقشاسىنا سايكەس اسكەري قىزمەتشىلەرگە مەديسينالىق كومەكتىڭ قوسىمشا كولەمىن كورسەتۋگە ارنالعان دارىلىك زاتتاردىڭ ءتىزىمى ەنگىزىلدى.
قۇجاتتىڭ تولىق ماتىنىمەن وسى جەردەن تانىسۋعا بولادى.