№16 قالالىق ەمحانا قارتتار كۇنىنە وراي، الەۋمەتتىك ۇيدە قارتتاردى مەديسينالىق تەكسەرۋدەن وتكىزدى، دەپ حابارلايدى almaty-akshamy.kz
ەمحانا قىزمەتكەرلەرى قارت ادامدارعا مەديسينالىق قاراپ-تەكسەرۋ جۇرگىزۋ ءۇشىن «قامقور» الەۋمەتتىك ۇيىنە باردى. بۇل ءىس-شارانىڭ نەگىزگى ماقساتى قارتتاردىڭ دەنساۋلىعىنا كۇتىم جاساۋ جانە ولارعا بىلىكتى مەديسينالىق كومەك الۋعا مۇمكىندىك بەرۋ بولدى.
30-عا جۋىق پاسيەنتتى تەراپيەۆت، لور، وكۋليست جانە كارديولوگ دارىگەرلەرى قارادى. جۇرەك اقاۋلارىنىڭ الدىن الۋعا ەرەكشە نازار اۋدارىلدى، ويتكەنى بۇل ەگدە جاستاعى ادامدار اراسىندا ەڭ كوپ تارالعان اۋرۋلاردىڭ ءبىرى.
دارىگەرلەر قانت پەن حولەستەرين دەڭگەيىنە قان الىپ، ەكگ جۇرگىزدى جانە قان قىسىمىن ولشەدى. سونىمەن قاتار، ءوز دەنساۋلىعىن قالاي دۇرىس باقىلاۋ كەرەكتىگى، جۇرەك اقاۋلارىنىڭ دامۋىنا قانداي ءقاۋىپ فاكتورلارى اكەلۋى مۇمكىن جانە قانداي پروفيلاكتيكالىق شارالار قولدانۋ كەرەكتىگى تۋرالى اڭگىمە جۇرگىزىلدى.
سونداي-اق، ءىس-شارادا قارتتاردىڭ دەنساۋلىعىن جاقسارتۋعا باعىتتالعان ءتۇرلى باعدارلامالار ۇسىنىلدى. بارلىق پاسيەنتتەر وڭالتۋ، اۋرۋدىڭ الدىن الۋ جانە ساۋىقتىرۋ باعدارلامالارى بويىنشا اقپارات الدى. وسىنداي ءىس-شارالاردىڭ ارقاسىندا ادامدار ءوز دەنساۋلىعىنا قالاي دۇرىس كۇتىم جاساۋ كەرەكتىگى تۋرالى قاجەتتى كومەك پەن ءبىلىم الا الادى.
دەنساۋلىق-بۇل بىزدەگى بار ەڭ قۇندى نارسە جانە ۇنەمى نازار اۋدارۋ مەن قامقورلىقتى قاجەت ەتەتىنىن ەسكەرگەن ءجون!