ەۋروپادا سوڭعى 500 جىلدا بولماعان قۋاڭشىلىق سالدارىنان وزەن-كولدەر كەۋىپ، جاسىل جەلەك قۋراپ بارادى.
«قارت قۇرلىقتىڭ 17 پايىزى كەۋىپ قالۋدىڭ الدىندا تۇر»، – دەيدى ماماندار.
ءقازىر يتاليا، يسپانيا، پورتۋگاليا، فرانسيا، گەرمانيا، نيدەرلاند، بەلگيا، ۆەنگريا، رۋمىنيا، جالپى ەۋروپا اۋماعىنىڭ 47 پايىزى قۋاڭشىلىقتىڭ زاردابىن تارتىپ وتىرعان كورىنەدى، دەپ حابارلايدى Almaty-akshamy.kz. Qazaqstan.tv سايتىنا سىلتەمە جاساپ.
شۆەيساريا مەن فرانسيانىڭ شەكاراسىنداعى برەنە وزەنى سۋالعان. بۇرىن ونىڭ تەرەڭدىگى 18 مەتر بولاتىن. باسقا دا وزەندەردە سۋدىڭ تارتىلۋى كەمەلەردىڭ ءجۇرىسىن قيىنداتتى. بالىقتار قىرىلىپ جاتىر. وسىمدىكتەر، اعاشتار، ەگىن قۋراپ بارادى.
شارۋالار بيىل سۋ تاپشىلىعى، اپتاپ ىستىقتىڭ كەسىرىنەن جۇگەرى مەن كۇنباعىستان الىناتىن ءونىم 15-20 پايىزعا ازايادى دەپ دابىل قاعۋدا. ادەتتە كۇننىڭ كوزىنە ءزارۋ بولاتىن بريتاندىقتار مەن بەلگيالىقتار ەندى جاڭبىر قۇيسا دەپ تىلەپ وتىر.
الايدا ەۋروپالىق كوميسسيانىڭ عالىمدارى جەرورتا تەڭىزىنىڭ باتىس بولىگىندە اۋا رايى قاراشاعا دەيىن قۇرعاق، جىلى بولادى دەپ بولجاپ وتىر.