الماتى قالاسىندا كۆي بويىنشا ەپيدەميولوگيالىق جاعداي ناشارلاپ بارادى. بۇل تۋرالى ونلاين بريفينگتە الماتى قالاسىنىڭ باس مەملەكەتتىك سانيتارلىق دارىگەرى قارلىعاش ءادبىجابباروۆا ايتتى، دەپ حابارلايدى اlmaty-akshamy.kz
ونىڭ سوزىنە قاراعاندا، سوڭعى ەكى اپتادا 100 مىڭ تۇرعىنعا شاققاندا اپتالىق سىرقاتتانۋشىلىقتىڭ ارتۋى 6،5-نان 2 ەسەگە دەيىن باياۋلادى. دەگەنمەن، كۇندەلىكتى ءوسىم 0،97-دەن 1،24-كە دەيىن كوتەرىلدى. قاڭتار ايىندا كۆي اۋرۋى: 1 اپتادا - 1025 جاعداي، 2 اپتادا – 6050 جاعداي، 3 اپتادا - 13133 جاعداي، ياعني 12،8 ەسە وسكەن.
«دەلتا» شتامىنان كەيىن كەلگەن «وميكرونعا» بايلانىستى اۋرۋدىڭ كۇرت ءوسۋى ورىن الدى، «وميكرون» جۇقتىرعان جاعدايلاردىڭ سانى تاۋلىگىنە 2،5 مىڭعا دەيىن بىرتىندەپ ءوستى. ايدىڭ سوڭىنا قاراي ءبىر تاۋلىكتە 3 مىڭعا دەيىن اۋرۋدى تىركەۋ كۇتىلۋدە»، - دەدى سپيكەر.