الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى، قالانىڭ باس مەملەكەتتىك سانيتار دارىگەرى قارلىعاش ءابدىجابباروۆا الماتى قالاسىندا ەپيدەميولوگيالىق جاعداي كۇرت ناشارلاعانىن مالىمدەدى، دەپ حابارلايدى اlmaty-akshamy.kz
وڭىرلىك كوممۋنيكاسيا قىزمەتى الاڭىندا وتكەن بريفينگتە ق. ءابدىجابباروۆا ق ر بويىنشا ەپيدەميولوگيالىق جاعدايدى باعالاۋ ماتريساسىندا الماتى ءۇشىنشى كۇن «قىزىل» ايماقتا ورنالاسقانىن جەتكىزدى. اپتالىق سىرقاتتانۋشىلىق 100 مىڭ تۇرعىنعا شاققاندا 2،2 ەسە وسكەن، ياعني 47،6-دان 105،6-عا دەيىن، ينفەكسيانىڭ بەرىلۋ يندەكسى اياسىندا 1،4-تەن 2،5-كە دەيىن ۇلعايعان.
ەپيدەميانىڭ تاعى ءبىر تولقىنى جاڭاجىلدىق مەرەكەلەر مەن وسى جىلدىڭ قاڭتار ايىنىڭ باسىندا بەلگىلى وقيعالاردان كەيىن باستالدى جانە «وميكرون» شتامىنا بايلانىستى بولىپ وتىر. بۇل زەرتحانالىق تۇردە وسى جىلدىڭ 6 قاڭتارداعى تولىق گەنومدىق سەكۆەنيرلەۋ ناتيجەلەرىمەن راستالدى. ق ر دسم-دە 96 سىنامادان 8 سىنامادا وميكرون شتامى انىقتالدى، ونىڭ ىشىندە 7 سىناما الماتى قالاسىنان بولدى. «دەلتا» شتامدارى سىنامالاردىڭ 71%-ىندا انىقتالدى، «دەلتا پليۋس» 16%-دا، باسقا شتاممدار 4،7%-دا تابىلدى، - دەدى ول.
«وميكرون» شتامىنا ءتان الماتى قالاسىنداعى ەپيدەميولوگيالىق پروسەستىڭ ەرەكشەلىكتەرى - اسا جوعارى جۇقپالىلىعى، يممۋنيتەتكە توتەپ بەرۋ قابىلەتى، قايتا جۇقتىرۋ ءقاۋپىنىڭ جوعارىلاۋى جانە 20-30 جاس ارالىعىنداعى ازاماتتاردىڭ زاقىمدانۋى بايقالادى.
وسىلايشا، اپتا سايىنعى سىرقاتتانۋشىلىق تا، بۇرىن كۆي-مەن اۋىرىپ ساۋىققان ادامداردىڭ قايتا جۇقتىرۋ جاعدايلارى دا الدىڭعى 7 كۇندەگى 10 جاعدايدان سوڭعى 7 كۇندەگى 66 جاعدايعا دەيىن كۇرت وسكەن. سيمپتومسىز نىسانداردىڭ جەلتوقسان ايىنداعى 6%-دان 11%-عا دەيىن ۇلعايۋى اۋىرعانداردى ۋاقتىلى انىقتاۋدى جانە وقشاۋلاۋدى قيىنداتا تۇسكەن.
كۆي جۇقتىرعانداردىڭ ۇلەس سالماعى 20 جاستان 40 جاسقا دەيىنگى ادامدار اراسىندا 16،4%-عا جانە جاسوسپىرىمدەر اراسىندا 1،1%-عا كۇرت ءوستى، بۇل دا «وميكرون» شتامىنا ءتان. مۇنىڭ ءبارى «وميكرون» شتامىنىڭ حالىق اراسىندا تەز تارالاتىنىن جانە كوپ ۇزاماي «دەلتا» شتامىن الماستىراتىندىعىن كورسەتەدى. ءبىز كەلەسى كۆي تولقىنىنىڭ شىڭىن وسى جىلدىڭ ناۋرىز ايىنا بولجاپ وتىرمىز، - دەدى قارلىعاش ءابدىجابباروۆا.