پرەمەر-مينيستردىڭ ورىنباسارى - قارجى ءمينيسترى ەرۇلان جاماۋبايەۆ بيىل 9 ايدا مەملەكەت قارجىسىن يگەرە الماي وتىرعان مينيسترلىكتەر مەن وڭىرلەردى اتادى، - دەپ حابارلايدى اlmaty-akshamy.kz.
2023 جىلعى 9 ايدا مەملەكەتتىك بيۋدجەتكە 13،8 تريلليون تەڭگە جانە رەسپۋبليكالىق بيۋدجەتكە 9،2 تريلليون تەڭگەگە جۋىق كىرىس تۇسكەن.
اقپارات دەرەككوزى: https://massaget.kz/basty-zhaalytar-438/92209/
جەرگىلىكتى بيۋدجەتتەردىڭ كىرىسى 4،7 تريلليون تەڭگە بولعان. رەسپۋبليكالىق بيۋدجەتكە 16 تريلليون تەڭگەگە شىعىستار جۇرگىزىلگەن. اتقارىلماۋ - 70 ملرد تەڭگە، ونىڭ ىشىندە ۇنەمدەۋ - 16 ملرد تەڭگە.
"54 ملرد تەڭگە يگەرىلمەگەدى. يگەرىلمەۋدىڭ نەعۇرلىم ءىرى سومالارى ەكولوگيا جانە تابيعي رەسۋرستار، تۋريزم جانە سپورت، ىشكى ىستەر جانە توتەنشە جاعدايلار مينيسترلىكتەرىندە قالىپتاستى"، - دەدى مينيستر ۇكىمەت وتىرىسىندا. سونداي-اق جەرگىلىكتى بيۋدجەتتەردىڭ شىعىستارى 9 تريلليون تەڭگە بولعان.
49 ملرد تەڭگە اتقارىلماعان. بيىل وڭىرلەرگە 2 تريلليون تەڭگەگە جۋىق نىسانالى ترانسفەرتتەر كوزدەلىپ وتىر.
"ولارعا 1 قازانعا 1 تريلليون 112 ملرد تەڭگە بولىنگەن. ونىڭ 98،5 پايىزى يگەرىلگەن. اتقارىلماعانى - 17 ملرد تەڭگە. ونىڭ ىشىندە 1 ملرد تەڭگە - ۇنەمدەۋ، 16 ملرد تەڭگە يگەرىلمەگەن. ەڭ كوپ يگەرىلمەۋ - استانا قالاسى، ماڭعىستاۋ، اتىراۋ جانە قاراعاندى وبلىستارىندا"، - دەدى ۆيسە-پرەمەر.
يگەرىلمەۋدىڭ نەگىزگى سەبەپتەرى كەلەسىدەي:
كونكۋرستىق راسىمدەردى ۇزاق مەرزىمدە وتكىزۋ؛
شارتتاردى، قوسىمشا كەلىسىمدەردى جاساسۋ راسىمدەرىن ۇزاق جۇرگىزۋ؛
شوت-فاكتۋرالار مەن اتقارىلعان جۇمىس اكتىلەرىن ۋاقىتىلى ۇسىنباۋ جانە تاعى باسقا.
اقپارات دەرەككوزى: https://massaget.kz/basty-zhaalytar-438/92209/