جوعارعى cوت اليمەنت ءوندىرىپ الۋعا قاتىستى نورماتيۆتىك قاۋلىسىنا وزگەرىس ەنگىزدى، دەپ حابارلايدى aqshamnews.kz
بۇعان دەيىن سوت اليمەنتتى ازايتۋعا تىيىم سالاتىن نورماتيۆتىك قاۋلىعا سۇيەنىپ كەلگەن. بۇعان اليمەنت تولەۋشىلەر قارسىلىق بىلدىرگەن ەدى.
سونىمەن قاتار “نەكە (ەرلى-زايىپتىلىق) جانە وتباسى تۋرالى” كودەكستە اليمەنت مولشەرىن ازايتۋ مۇمكىندىگى بار. ءنورماتيۆتى قاۋلى مەن كودەكستەگى ەكى نارسە بىر-بىرىنە قاراما-قايشى بولىپ، ادامداردى شاتاستىردى. ناتيجەسىندە جوعارعى سوت قاۋلىداعى تىيىمدى الىپ تاستادى.
ادىلەت مينيسترلىگىنىڭ مالىمدەۋىنشە، ەندى اليمەنتتەردى ءوندىرۋ جانە ولاردى تولەۋدەن بوساتۋ ماسەلەلەرى بويىنشا داۋ بولعان جاعدايدا سوتقا تالاپ قويۋ كەرەك.
“وندا بورىشكەر ناۋقاستانىپ قالعانىن نەمەسە باسقا دا سەبەپتەرمەن جۇمىسسىز قالعانىن، وتباسىلىق اۋىر ماسەلە بولعانىن دالەلدەپ، سونىڭ كەسىرىنەن اليمەنت تولەي المايتىنىن كورسەتۋ كەرەك. سول كەزدە اليمەنت بويىنشا بەرەشەكتى تولەۋدەن تولىق نەمەسە ءىشىنارا بوساتۋعا قۇقىلى”، – دەلىنگەن حابارلامادا.
اليمەنت كولەمى قالاي ەسەپتەلەدى؟
"اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى" زاڭعا سايكەس، اليمەنت سومماسىن سوت ورىنداۋشى توقسان سايىن ياعني ءۇش اي سايىن انىقتايدى. بورىشكەر قانشا جالاقى الاتىنىن نەمەسە كىرىسى تۋرالى اقپارات ۇسىنادى. جۇمىس ىستەمەسە، ونى دا كورسەتۋى كەرەك. ايتپەسە بەرەشەگى ەلدەگى ورتاشا جالاقىسىن نەگىزگە الىپ تاعايىندالادى.
ءقازىر قازاقستاندا ورتاشا جالاقى 423 133 تەڭگە بولسا، ءبىر بالاعا اليمەنت 105 784 تەڭگە، ەكى بالاعا 140 903 تەڭگە، ال ەكى نەمەسە ودان دا كوپ بالا ءۇشىن 211 567 تەڭگە بولادى.
اليمەنت تولەمەگەندەرگە قانداي شارا قولدانىلادى؟
ءۇش ايدان استام ۋاقىت اليمەنت تولەۋدەن جالتارىپ جۇرگەندەر قىلمىستىق كودەكستىڭ 139-بابىنا سايكەس، 600 ساعاتقا دەيىن قوعامدىق جۇمىسقا تارتىلادى نەمەسە ەكى جىلعا دەيىن باس بوستاندىعىن شەكتەۋ نەمەسە ايىرۋ جازاسىنا كەسىلەدى. ودان بولەك كەشىكتىرگەن بەرەشەك سوماسىنا تۇراقسىزدىق ايىپاقى ەسەپتەلەدi.
سونداي-اق اليمەنتتەن جالتارىپ جۇرگەندەردى قۇرىقتاۋ ءۇشىن "قورعاۋ" جۇيەسى شىقتى. سول ارقىلى پوليسيا قىزمەتكەرلەرى بورىشكەرلەردىڭ اتىنا تىركەلگەن كولىكتىڭ قايدا جۇرگەنىن انىقتاپ، كولىكتى ايىپ تۇراعىنا قويادى. كولىك بورىشكەر قارىزىن تولىق وتەگەنشە تۇرادى. ەگەر اليمەنت سول كۇيى تولەنبەسە، سوت شەشىمىمەن مۇلىك اۋكسيونعا قويىلىپ ساتىلادى.
ادىلەت مينيسترلىگى اليمەنت بويىنشا قۇقىقتىق كونسۋلتاسيانى 119 ءنومىرى بويىنشا ەلىمىزدىڭ ستاسيونارلىق تەلەفونىنا نەمەسە قۇقىقتىق اقپارات ورتالىعىنا، سونداي-اق 119 Kenesbot Telegram-ارناسى ارقىلى الۋعا بولاتىنىن ايتتى.