قما جارتىجىلدىق جۇمىسىن قورىتىندىلادى.
قارجى پيراميدالارىنا قاتىستى 22 قىلمىستىق ءىس قارالىپ جاتىر، دەپ حابارلايدى Almaty-akshamy.kz
قارجى مونيتورينگى اگەنتتىگىنىڭ ءتوراعاسى دميتريي مالاحوۆ 19 ميلليارد تەڭگەدەن استام مەملەكەت قاراجاتىن ۇرلاۋدىڭ 111 وقيعاسىنا قاتىستى قىلمىستىق ءىس تەرگەلىپ جاتقانىن مالىمدەدى.
"ازاماتتاردى الاياقتىق سحەمالارعا تارتۋدان قورعاۋ ماقساتىندا قارجى پيراميدالارىن ۇيىمداستىرۋشىلارعا قاتىستى 22 تەرگەۋ باستالدى. قۇقىققا قارسى مازمۇنداعى 14 مىڭ سىلتەمە الدىن الا بۇعاتتالىپ، 100-دەن استام قۇقىققا قارسى چاتتار مەن اككاۋنتتار جويىلدى"، – دەلىنگەن اگەنتتىكتىڭ حابارلاماسىندا.
بۇدان بولەك، 19،2 ميلليارد تەڭگەگە بيۋدجەت قاراجاتىن ۇرلاۋدىڭ 111 فاكتىسى بويىنشا سوتقا دەيىنگى تەرگەۋ شارالارى جۇرگىزىلىپ جاتىر.
"جالپى، قىلمىستىق ىستەر بويىنشا وتەم 3،5 ەسە (48،3-تەن 164،4 ملرد تەڭگەگە دەيىن)، ونىڭ ىشىندە اقشا 7 ەسە (11-دەن 79 ملرد تەڭگەگە دەيىن) ۇلعايدى، بۇل جۇمىس تيىمدىلىگىنىڭ ارتقانىن كورسەتەدى"، – دەلىنگەن حابارلامادا.