2023-2025 جىلدار ارالىعىندا 588 مەكتەپ سالۋ جوسپارلانىپ وتىر.
قارجى ءمينيسترى ەرۇلان جاماۋبايەۆ ۇكىمەت وتىرىسىندا پرەزيدەنتتىڭ تاپسىرمالارىن دەرەۋ ورىنداۋدى قامتاماسىز ەتۋ ءۇشىن ءبىرقاتار شارا قابىلدانعانىن مالىمدەدى، دەپ حابارلايدى Almaty-akshamy.kz Baq.kz سىلتەمە جاساپ.
سونىڭ ءبىرى قۇرىلىس سالاسىنداعى مەملەكەتتىك ساتىپ الۋدى جەتىلدىرۋ بويىنشا. مينيستر قۇرىلىس جۇمىستارىن ورىنداۋ ءۇشىن جەتكىلىكتى ماتەريالدىق رەسۋرستارى بار مەردىگەرلەردى ىرىكتەۋ ماقساتىندا مەنشىكتى قۇرىلىس تەحنيكاسىنىڭ بولۋى تۋرالى مىندەتتى تالاپ بەلگىلەۋدى ۇسىندى.
«ول ءۇشىن مامانداندىرىلعان تەحنيكانىڭ ءبىرىڭعاي بازاسىن قۇرۋ جوسپارلانۋدا. بۇل ولاردىڭ بار-جوعىن اۆتوماتتى تۇردە تەكسەرۋگە مۇمكىندىك بەرەدى. مۇنداي شارالار قۇرىلىس جۇمىستارىن ورىنداۋ ءۇشىن ءوزىنىڭ بازالىق تەحنيكاسى جوق مەردىگەرلەردى ىرىكتەۋدەن وتكىزبەيدى»، - دەدى مينيستر.
بۇدان باسقا، مەملەكەتتىك ساتىپ الۋدا جانە كۆازيمەملەكەتتىك سەكتور سۋبەكتىلەرىنىڭ ساتىپ الۋىندا قۇرىلىس جۇمىستارىن قوسالقى مەردىگەرلىككە زاڭسىز بەرۋدى شەكتەۋ ماقساتىندا كەلەسى جاعدايلاردا ساتىپ الۋ تۋرالى شارتتى بۇزۋ مۇمكىندىگى قاراستىرىلادى:
- قوسالقى مەردىگەرلەرگە جۇمىستاردىڭ شەكتى كولەمىنەن اسقان كەزدە؛
- تاپسىرىس بەرۋشىمەن كەلىسىلمەگەن قوسالقى مەردىگەرلەردى تارتۋ كەزىندە.
سونىمەن قاتار ول «قولايلى مەكتەپ» ۇلتتىق جوباسى شەڭبەرىندە وقۋشى ورىندارىنىڭ تاپشىلىعىن شەشۋ ءۇشىن 2023 - 2025 جىلدار ارالىعىندا 588 تولىق جيناقتى مەكتەپ سالۋ جوسپارلانىپ وتىرعانىن ايتتى. قۇرىلىس وبەكتىلەرىنىڭ قۇنىن ەسەپتەۋ جاڭا تەحنيكالىق تاپسىرماعا جانە 1 وقۋشى ورنىنا شىعىستارعا سايكەس انىقتالىپتى.
سونداي-اق ول «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى بويىنشا ايتىپ ءوتتى.
«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىن ىسكە اسىرۋعا الدىن الا قاجەتتىلىك 215 ملرد تەڭگەگە جۋىق سومانى قۇرايدى. بۇل رەتتە، وسى ءىس-شارالاردى ىسكە اسىرۋعا ارنالعان شىعىستار كولەمى جالپى سيپاتتاعى ترانسفەرتتەردى جانە 2023-2025 جىلدارعا ارنالعان رەسپۋبليكالىق بيۋدجەتتى قالىپتاستىرۋ شەڭبەرىندە قوسىمشا پىسىقتالادى»،-دەدى ەرۇلان جاماۋبايەۆ.
مينيستر سونداي-اق مەملەكەت باسشىسىنىڭ سالىق جانە بيۋدجەت ساياساتىن جەتىلدىرۋ جونىندەگى تاپسىرماسى ۇلتتىق ەكونوميكا مينيسترلىگىمەن جانە ستراتەگيالىق جوسپارلاۋ جانە رەفورمالار جونىندەگى اگەنتتىكپەن بىرلەسىپ ىسكە اسىرىلاتىنىن جەتكىزدى.